கோவில்களில் பயன்பாட்டில் இல்லாமல் இருந்த 111.1 கிலோ தங்க நகைகளை உருக்கித் தங்கக் கட்டிகளாக மாற்றி வங்கியில் முதலீடு செய்ததன் மூலம் ஆண்டுக்கு ரூ.20 கோடி வட்டி ஈட்டப்படுவதாக அப்போதைய அமைச்சர் சேகர்பாபு பெருமையாகத் தெரிவித்திருந்தார்.

ஆனால், கோவில் நகைகளின் மதிப்பை வெறும் எடையை மட்டும் வைத்து கணக்கிட முடியாது என்றும், அதன் கலைநயம், வரலாற்றுப் பின்னணி மற்றும் பழமை வாய்ந்த தொன்மமே அதன் உண்மையான மதிப்பு என்றும் தேசிய பகுத்தறிவு சிந்தனைப் பேரவையின் தலைவர் திருநாவுக்கரசு சுட்டிக்காட்டியுள்ளார்.

நூற்றாண்டுகள் பழமையான ஒரு கிரீடத்தை உருக்கித் தங்கக் கட்டியாக மாற்றினால் அதன் வரலாற்று அழகும் தொல்பொருள் மதிப்பும் எங்கு செல்வது என்ற நியாயமான கேள்வியை அவர் எழுப்பியுள்ளார்.

500 ஆண்டுகள் பழமையான ஒரு கலைநயமிக்க களிமண் பானையை உடைத்துவிட்டு, அதன் எடையுள்ள களிமண் மட்டும் கையில் கிடைத்துவிட்டால் அதன் உண்மையான வரலாற்றை மீட்க முடியாது என்பதற்கு, பழைமையான கோவில் நகைகளை உருக்கித் தங்கக் கட்டிகளாக மாற்றிய இந்தச் செயலை அவர் உதாரணமாக ஒப்பிட்டுள்ளார்.

சேர, சோழ, பாண்டிய, பல்லவ மற்றும் விஜயநகரப் பேரரசர்களின் காலத்தில் உருவாக்கப்பட்ட விலைமதிப்பற்ற பாரம்பரியக் கலைப் பொருட்கள் அனைத்தும் இப்படி ஒட்டுமொத்தமாக உருக்கப்பட்டு அழிக்கப்பட்டிருப்பது மன்னிக்க முடியாத குற்றம் என்று அவர் கண்டித்துள்ளார்.

“>

 

பக்தர்களின் நம்பிக்கையையும், பல நூறு ஆண்டுகாலத் தமிழர்களின் வரலாற்றுச் பெருமையையும் ஒரே உத்தரவில் அழித்துவிட்ட இந்தச் செயலுக்கு அமைச்சர் தன் மனசாட்சியின்படி சிந்தித்துத் தண்டித்துக் கொள்ள வேண்டும் என்றும், காலத்தின் தீர்ப்பு இதற்கான பதிலை வழங்கும் என்றும் அவர் எச்சரித்துள்ளார்.