2026 சட்டமன்றத் தேர்தல் முடிவுகளில் ‘தமிழக வெற்றி கழகம்’ (தவெக) மிகப்பெரிய வெற்றியை நோக்கிச் சென்று கொண்டிருக்கும் வேளையில், முதலமைச்சர் மு.க. ஸ்டாலின் அவர்கள் ஒரு வரலாற்றுச் சிறப்புமிக்க அறிக்கையை வெளியிட்டுள்ளார். அதில், மக்களின் தீர்ப்பைத் தலைவணங்கி ஏற்பதாகத் தெரிவித்துள்ள அவர், வெற்றி பெற்றவர்களுக்குத் தனது வாழ்த்துக்களையும் பகிர்ந்துள்ளார்.

கடந்த ஐந்தாண்டு காலத்தில் திராவிட மாடல் ஆட்சியில் ஏராளமான நலத்திட்டங்களை வழங்கியதாகவும், மக்களின் உயர்வுக்காகத் தனது சக்தியை மீறி உழைத்ததாகவும் அவர் குறிப்பிட்டுள்ளார். ​”வாக்களித்தவர்களுக்கு மட்டுமல்ல, வாக்களிக்க மறந்தவர்களுக்கும் சேர்த்தே நான் ஆட்சி நடத்தினேன். எனது அரசியல் வாழ்வில் பல வெற்றிகளையும் தோல்விகளையும் பார்த்துள்ளேன். எனக்கு இலட்சியமும் கொள்கையும்தான் முக்கியமே தவிர, வெற்றி தோல்விகள் அல்ல” என்று அவர் அந்த அறிக்கையில் மிக உருக்கமாகப் பதிவிட்டுள்ளார்.

மேலும், இதுவரை மக்களுக்காகச் சிறப்பான ஆளுங்கட்சியாகச் செயல்பட்ட திமுக, இனி வரும் காலங்களில் மக்களின் குரலாகச் சட்டப்பேரவையில் ஒரு வலிமையான எதிர்க்கட்சியாகச் செயல்படும் என்றும் அவர் உறுதிபடத் தெரிவித்துள்ளார். ஸ்டாலின் அவர்களின் இந்த முதிர்ச்சியான அறிக்கை அரசியல் வட்டாரத்தில் பெரும் மரியாதையைப் பெற்றுள்ளது.