சென்னை வில்லிவாக்கம் தொகுதியில் தமிழக வெற்றிக் கழக வேட்பாளர் ஆதவ் அர்ஜுனா தீவிர பிரச்சாரத்தில் ஈடுபட்டிருந்தபோது, அங்கிருந்த பெண் தொண்டர்கள் மீது உடைந்த மதுபாட்டில் வீசப்பட்ட சம்பவம் பெரும் பதற்றத்தை ஏற்படுத்தியுள்ளது. மது அருந்திய இருவருக்குள் ஏற்பட்ட மோதலில் பாட்டில் வீசப்பட்டதாகக் காவல்துறை விளக்கமளித்தாலும், இது திட்டமிட்ட தாக்குதல் எனப் பல்வேறு தரப்பினர் சந்தேகம் எழுப்பியுள்ளனர்.
இந்தச் சூழலில், பிக் பாஸ் புகழ் ஜூலி வெளியிட்டுள்ள வீடியோ எரியும் நெருப்பில் எண்ணெய்யை ஊற்றுவது போல அமைந்துள்ளது. இந்தச் சம்பவம் சாதாரணமானதல்ல என்றும், அரசியல் லாபத்திற்காகத் திட்டமிட்டு நடத்தப்பட்டது என்றும் ஜூலி பகிரங்கமாகக் குற்றம்சாட்டியுள்ளார்.
ஜூலியின் இந்த அதிரடி விமர்சனம் தவெக ஆதரவாளர்களிடையே கடும் கொந்தளிப்பை ஏற்படுத்தியுள்ளது. ஏற்கனவே விஜய் குறித்துப் பலமுறை கருத்து தெரிவித்துச் சர்ச்சையில் சிக்கிய ஜூலி, தற்போது தேர்தல் நேரத்தில் தவெக-வைச் சீண்டும் வகையில் பேசியிருப்பது விவாதத்தை அதிகமாக்கியுள்ளது.
ஒருபுறம் ஜூலிக்கு ஆதரவாகவும், மறுபுறம் தவெக தம்பிகள் அவருக்கு எதிராகவும் சமூக வலைதளங்களில் கருத்து மோதலில் ஈடுபட்டு வருவதால், வில்லிவாக்கம் விவகாரம் அரசியல் ரீதியாகப் பெரிய திருப்பத்தை ஏற்படுத்தியுள்ளது. தேர்தல் ஆணையம் மற்றும் காவல்துறை இந்தச் சம்பவம் குறித்துத் தீவிரமாகக் கண்காணித்து வரும் நிலையில், பாதுகாப்பு நடவடிக்கைகள் பலப்படுத்தப்பட்டுள்ளன.
