நேற்று இரவு நேரத்தில் பாஜக கொடிக்கம்பம் சாய்ந்து ஏற்பட்ட விபத்தில் பெண் ஒருவருக்கு படுகாயம் ஏற்பட்டுள்ளது. இதுகுறித்து போலீசார் விசாரணை மேற்கொண்டு வருகின்றனர். சென்னை கொருக்குப்பேட்டை பகுதியில் வைக்கப்பட்டிருந்த பாஜக கொடிக்கம்பம் திடீரென சரிந்து விழுந்துள்ளது.

அப்போது அங்கு நின்றிருந்த விஜயா என்ற பெண் மீது அந்த கொடிக்கம்பம் விழுந்ததில், அவரது முகத்தில் படுகாயம் ஏற்பட்டுள்ளது. இதில் துடிதுடித்து அலறவே, அவரை அக்கம்பக்கத்தினர் மீட்டு மருத்துவமனையில் அனுமதித்து, போலீசுக்கும் தகவல் கொடுத்தனர். தற்போது விஜயா மருத்துவமனையில் சிகிச்சை பெற்றுவருகிறார்.