சுதா கொங்கரா இயக்கத்தில் சிவகார்த்திகேயன் நடித்துள்ள ‘பராசக்தி’ திரைப்படம் தற்போது மக்களிடையே பெரும் வரவேற்பைப் பெற்று வருகிறது. இந்தப் படம் குறித்து பா.ஜ.க முன்னாள் தலைவர் அண்ணாமலை தனது கருத்தைப் பகிர்ந்துள்ளார். சென்னையில் செய்தியாளர்களிடம் பேசிய அவர், முந்தைய காங்கிரஸ் அரசு செய்த தவறுகளையும் துரோகங்களையும் இந்தப் படம் அப்படியே திரையில் காட்டியுள்ளதாகப் பாராட்டினார்.
தொடர்ந்து பேசிய அண்ணாமலை, காங்கிரஸுடன் கூட்டணியில் இருக்கும் தி.மு.க-வையும் விமர்சித்தார். “இந்த உண்மைகளைச் சொல்லும் படம் வெளிவந்துள்ளதால், அவர்களது கூட்டணிக்குள் நெருக்கடி ஏற்படும்” என்று குறிப்பிட்ட அவர், வரலாற்று உண்மைகளைத் தெரிந்துகொள்ள அனைவரும் இந்தப் படத்தைக் கண்டிப்பாகப் பார்க்க வேண்டும் என்றும் கேட்டுக்கொண்டார்.
