தமிழக வெற்றிக் கழகத்திற்காக (TVK) அஜிதா அவர்கள் இதுவரை தனது சொந்தப் பணத்திலிருந்து சுமார் 2 கோடி ரூபாய் வரை செலவு செய்திருப்பதாகக் கூறப்படுகிறது. கட்சி வளர வேண்டும் என்ற நோக்கத்தில் ஒரு பெண் நிர்வாகியாக இவ்வளவு பெரிய தொகையைச் செலவிட்ட பிறகும், அவருக்கு உரிய அங்கீகாரம் வழங்காமல் அவமானப்படுத்தியது பெரும் அதிர்ச்சியை ஏற்படுத்தியுள்ளது.

அத்தனை செலவுகளைச் செய்த அவரிடமே மீண்டும் மாவட்டச் செயலாளர் பதவிக்காக 50 லட்சமும், எம்.எல்.ஏ சீட்டுக்காக 2 கோடியும் கேட்டிருப்பது அக்கட்சியின் உண்மை முகத்தைத் தோலுரித்துக் காட்டியுள்ளது. கட்சிக்காகத் தனது உழைப்பையும் பணத்தையும் கொடுத்த ஒரு பெண்ணிடம், மேலும் மேலும் பணம் பறிக்க நினைக்கும் இந்தச் செயல் அப்பட்டமான உழைப்புச் சுரண்டலாகும்.

“பெண்களுக்குப் பாதுகாப்பு தரும் கட்சி” என்று சொல்லிக்கொண்டு, ஏற்கனவே செலவு செய்த ஒருவரிடமே இப்படிப் பணப் பேரம் நடத்துவது எந்த விதத்தில் நியாயமாகும்? இது அரசியல் கட்சியா அல்லது தொண்டர்களைப் பகடைக்காயாக வைத்துப் பணம் பார்க்கும் கூடாரமா என்ற ஆவேசமான கேள்விகள் சமூக வலைதளங்களில் புயலைக் கிளப்பியுள்ளன.