தமிழகத்தில் 2026 சட்டமன்றத் தேர்தலை ஒட்டி, ஆளும் திமுக அரசின் “மகளிர் உரிமைத் தொகை” திட்டம் ஒரு மிகப்பெரிய துருப்புச் சீட்டாகப் பார்க்கப்படுகிறது. ஆனால், காங்கிரஸ் கட்சியின் அகில இந்தியத் தொழில்முறைப் பிரிவுத் தலைவர் பிரவீன் சக்ரவர்த்தி, இதுகுறித்த ஒரு அதிரடியான ஆய்வை வெளியிட்டுள்ளார். கடந்த 3 ஆண்டுகளில், தேர்தலுக்கு முன்னதாக இதுபோன்ற நேரடிப் பணப்பரிமாற்றத் திட்டங்களை அறிவித்த 9 பெரிய மாநிலங்களின் தேர்தல் முடிவுகளை அவர் அலசியுள்ளார். அதில் வெறும் 4 மாநிலங்களில் மட்டுமே ஆளுங்கட்சி மீண்டும் வெற்றி பெற்றுள்ளது; மீதமுள்ள 5 மாநிலங்களில் மக்கள் அந்தத் திட்டங்களை மீறியும் ஆளுங்கட்சியைத் தோற்கடித்துள்ளனர்.

​இந்தத் திட்டங்கள் சிறந்த நலத்திட்டங்களாக இருக்கலாம், ஆனால் அவை மட்டுமே ஒரு தேர்தலின் வெற்றியை உறுதி செய்யும் என்று நம்புவது ஒரு “மூடநம்பிக்கை” என்று அவர் கடுமையாகச் சாடியுள்ளார். வெறும் பணத்தை மட்டும் கொடுத்துவிட்டு, மற்ற வளர்ச்சிப் பணிகளை (மருத்துவமனை, சாலை வசதி, கல்வி) கவனிக்காமல் விட்டால் மக்கள் ஓட்டுப் போட மாட்டார்கள் என்பதே இந்தத் தரவுகள் சொல்லும் உண்மை என அவர் விளக்கியுள்ளார். தமிழகத்தில் உரிமைத் தொகையை நம்பி களமிறங்கும் அரசியல் கட்சிகளுக்கு, பிரவீன் சக்ரவர்த்தியின் இந்த ஆய்வு ஒரு ‘ஹெச்சரிக்கை’ மணியாகவே பார்க்கப்படுகிறது.