சமூக ஊடகங்களில் தற்போது வைரலாகி வரும் ஒரு வயதான பாட்டியின் வீடியோ, அனைவரின் இதயங்களையும் தொட்டுள்ளது. நவீன வாழ்க்கையில் மறைந்து வரும் பழைய பாரம்பரியங்களை இன்னும் சிலர் காத்து வருகிறார்கள் என்பதற்கு இந்தக் காட்சி சான்றாக உள்ளது.
உணவை சாப்பிடுவதற்கு முன்பு, பாட்டி தட்டில் வைக்கப்பட்ட உணவை தண்ணீரால் சுற்றி, கைகளை கூப்பி வணங்கி, கடவுளுக்கு நன்றி தெரிவித்து பின்னர் சாப்பிடுகிறார். இன்றைய தலைமுறையினரிடம் அரிதாகவே காணப்படும் இந்தச் செயல், நெட்டிசன்களை ஆச்சரியத்தில் ஆழ்த்தியுள்ளது.
இந்த வீடியோவை chhote_sarkar_108 என்ற இன்ஸ்டாகிராம் பக்கம் பகிர்ந்துள்ளது. “சம்ஸ்காரங்களின் கடைசி தலைமுறை, மதிப்பிற்குரிய தாய் சக்திக்கு வணக்கம்” என்ற வாசகத்துடன் பதிவிடப்பட்டுள்ள இந்தக் காட்சி, இதுவரை 90 லட்சம் முறை பார்க்கப்பட்டதோடு, 9 லட்சத்திற்கும் மேற்பட்டோர் லைக் செய்துள்ளனர்.
View this post on Instagram
“>
கிராமங்களில் இன்னும் சிலர் பின்பற்றும் இந்த பாரம்பரியத்தை, நகரங்களில் காண்பது வைக்கோல் குவியலில் ஊசியைக் கண்டுபிடிப்பது போன்ற அரிதான ஒன்று என்பதால் இந்தக் காட்சி பெரும் கவனம் பெற்றுள்ளது.
வீடியோவை பார்த்த நெட்டிசன்கள் பெருமளவில் கருத்துகளை பகிர்ந்து வருகின்றனர். “இது உணவின் உண்மையான மதிப்பு தெரிந்த தலைமுறை,” “உணவுக்கு இவ்வளவு மரியாதை கொடுக்கும் கடைசி தலைமுறை தான் இவர்கள்,” “இது இன்ஸ்டாகிராமில் சிறந்த பதிவு,” என்று பலரும் பாராட்டியுள்ளனர்.
சிலர், “இதைக் கண்டு என் பாட்டி நினைவுக்கு வந்தார்” எனவும் பகிர்ந்து, உணர்ச்சிபூர்வமான கருத்துக்களை தெரிவித்துள்ளனர். பாட்டியின் எளிய செயல், இன்றைய இளம் தலைமுறைக்கு பாரம்பரிய மதிப்புகளை நினைவூட்டுவதாக மாறியுள்ளது.
