மகாராஷ்டிராவில் ஐ.ஐ.டி பட்டதாரியான இளம் பொறியாளர் ஒருவர், தனது வருங்கால மனைவியிடம் “நான் டிரெக்கிங் செல்கிறேன்” என்று குறுஞ்செய்தி அனுப்பிவிட்டு திடீரென மாயமான சம்பவம் பெரும் பரபரப்பை ஏற்படுத்தியுள்ளது.
திருமணத்திற்கு இன்னும் சில நாட்களே இருந்த நிலையில், எதிர்பாராத விதமாக அந்த இளைஞர் காணாமல் போனதால் அவரது குடும்பத்தினரும், நிச்சயிக்கப்பட்ட பெண்ணும் அதிர்ச்சியில் உறைந்து போயுள்ளனர். உடனடியாக காவல் நிலையத்தில் புகார் அளிக்கப்பட்டதைத் தொடர்ந்து, காவல்துறையினர் தனிப்படை அமைத்துத் தீவிரத் தேடுதல் வேட்டையைத் தொடங்கியுள்ளனர்.
இந்த வழக்கின் விசாரணையின் ஒரு பகுதியாக, காணாமல் போன அந்த இளைஞரின் அறையில் இருந்த லேப்டாப்பை ஆய்வு செய்த காவல்துறையினருக்கு பெரும் அதிர்ச்சி காத்திருந்தது. அவரது கூகுள் தேடல் வரலாற்றுப் பதிவுகளைச் பரிசோதித்தபோது, அவர் டிரெக்கிங் செய்வது குறித்துத் தேடுவதற்குப் பதிலாக, ஆள் நடமாட்டம் இல்லாத பகுதிகள், தற்கொலை செய்துகொள்வது எப்படி, தடயமே இல்லாமல் மறைவது எப்படி என்பது போன்ற விசித்திரமான மற்றும் திடுக்கிடும் விஷயங்களை இணையத்தில் தேடியிருப்பது வெளிச்சத்திற்கு வந்தது.
ஒரு திறமைமிக்க ஐ.ஐ.டி பொறியாளர், தனது வாழ்க்கையின் அடுத்த கட்டத்திற்குச் செல்லவிருந்த சுபவேளையில் ஏன் இதுபோன்ற விபரீதமான விஷயங்களைத் தேடினார், அவருக்கு ஏதேனும் மன அழுத்தம் இருந்ததா அல்லது இதன் பின்னணியில் வேறு யாரேனும் சதி செய்துள்ளனரா என்ற கோணத்தில் காவல் துறையினர் தீவிரமாக விசாரணை நடத்தி வருகின்றனர்.
இந்நிலையில் அவரது செல்போன் சிக்னல் கடைசியாகக் காட்டிய இடங்களை அடிப்படையாகக் கொண்டும், லேப்டாப்பில் இருந்த இணையதளத் தடயங்களை வைத்தும் காவல்துறையினர் அந்த இளைஞரைத் தேடும் பணியை முடுக்கிவிட்டுள்ளனர்.
