தமிழ் சினிமாவின் இமயம், இயக்குனர் பாரதிராஜா அவர்களின் மறைவு ஒட்டுமொத்த இந்திய திரையுலகையுமே உலுக்கியுள்ளது. கோலிவுட் தாண்டி ஒட்டுமொத்த இந்திய சினிமா பிரபலங்களும் அவரது மறைவுக்கு தங்களது ஆழ்ந்த இரங்கல்களைத் தெரிவித்து வருகின்றனர். அந்த வகையில், முன்னணி தெலுங்கு நடிகர் அல்லு அர்ஜுன், இயக்குனர் பாரதிராஜா அவர்களின் மறைவுக்கு தனது சமூக வலைதளப் பக்கத்தில் மிகவும் உருக்கமான இரங்கல் செய்தியைப் பகிர்ந்துள்ளார். அதில், பாரதிராஜா அவர்களின் மறைவு தனக்கு மிகுந்த வருத்தத்தை அளிப்பதாகக் குறிப்பிட்டுள்ளார்.
மேலும், இந்திய திரையுலகிற்கான பாரதிராஜாவின் பங்களிப்பும், அவர் விட்டுச் சென்றுள்ள மரபும் மிக மகத்தானது என்று அல்லு அர்ஜுன் புகழாரம் சூட்டியுள்ளார். பாரதிராஜாவின் படைப்புகள், இனி வரவிருக்கும் பல தலைமுறை திரைப்படப் படைப்பாளிகளையும், இளம் கலைஞர்களையும் தொடர்ந்து ஊக்கப்படுத்திக் கொண்டே இருக்கும் என்றும் அவர் நெகிழ்ச்சியுடன் தெரிவித்துள்ளார். பாரதிராஜாவின் மறைவுக்கு தென்னிந்திய சினிமாவின் டாப் ஸ்டார்கள் பலரும் தொடர்ந்து அஞ்சலி செலுத்தி வருவது ஒட்டுமொத்த ரசிகர்களையும் சோகத்தில் ஆழ்த்தியுள்ளது.
