கோடை வெயிலின் தாக்கம் நாளுக்கு நாள் அதிகரித்து வரும் நிலையில், மனிதர்கள் மட்டுமின்றி விலங்குகளும் பறவைகளும் தண்ணீரின்றி கடும் அவதிக்குள்ளாகி வருகின்றன. இந்நிலையில், தாகத்தால் தவித்து, பறக்கக்கூட முடியாமல் உயிருக்குப் போராடிக் கொண்டிருந்த ஒரு சிறிய பறவைக்கு வாலிபர் ஒருவர் செய்த உதவி இணையவாசிகளின் இதயங்களை நெகிழச் செய்துள்ளது. சாலையோரம் மயங்கிக் கிடந்த அந்தப் பறவையைக் கண்ட அந்த வாலிபர், உடனடியாக ஒரு ‘டிராப்பர்’  மூலம் அதற்கு இளநீரை மிக நிதானமாக புகட்டியுள்ளார்.

 

முதலில் சோர்வாகக் காணப்பட்ட அந்தப் பறவை, இளநீரைக் குடித்தவுடன் மெல்ல புத்துணர்ச்சி பெற்று, அந்த வாலிபரின் கைகளிலேயே எவ்வித பயமும் இன்றி அமர்ந்திருக்கும் காட்சி பார்ப்போரை நெகிழ்ச்சியடையச் செய்துள்ளது. மனிதநேயத்திற்கும், மனிதர்கள் மீது விலங்கினங்கள் கொள்ளும் அசைக்க முடியாத நம்பிக்கைக்கும் சான்றாக விளங்கும் இந்த நெஞ்சை உருக்கும் வீடியோ, தற்போது சமூக வலைதளங்களில் காட்டுத்தீயாகப் பரவி வருகிறது. “பறவையின் உயிரைக் காத்த அந்த வாலிபர் உண்மையான தேவதூதன்” எனப் பலரும் தங்களது பாராட்டுகளைக் குவித்து வருகின்றனர்.