தமிழக அரசியலில் நடிகர் விஜய் தலைமையிலான தமிழக வெற்றிக் கழகம் 234 தொகுதிகளிலும் தனித்துப் போட்டியிடும் நிலையில், திருத்தணி சட்டமன்றத் தொகுதியில் அக்கட்சியின் வேட்பாளர் வழக்கறிஞர் சத்தியகுமார் தனித்து விடப்பட்டிருப்பது பெரும் பரபரப்பை ஏற்படுத்தியுள்ளது. தேர்தல் பரப்புரையின் போது கட்சி நிர்வாகிகள் மற்றும் தொண்டர்கள் யாரும் அவருடன் வராமல், அவர் ஒருவராகவே வீதி வீதியாகச் சென்று வாக்குச் சேகரிக்கும் வினோதமான சூழல் நிலவுகிறது.

மேலும் கட்சியின் மாவட்டச் செயலாளரையோ அல்லது பிற பொறுப்பாளர்களையோ கலந்து ஆலோசிக்காமல் தன்னிச்சையாக வேட்புமனுத் தாக்கல் செய்தது உட்பட, கட்சித் தலைமைக்கும் உள்ளூர் நிர்வாகிகளுக்கும் இடையே ஏற்பட்டுள்ள ஒருங்கிணைப்பு இல்லாமையே இந்தத் தனிமைக்குக் காரணம் எனக் கூறப்படுகிறது.

இதனால் தொண்டர்கள் மற்றும் நிர்வாகிகள் வேட்பாளரைத் தவிர்ப்பதற்குப் பின்னால் கடுமையான புகார்கள் முன்வைக்கப்படுகின்றன. வேட்பாளர் சத்தியகுமார் தங்களை ஒருமையில் பேசுவதாகவும், தொண்டர்களைக் கேவலமான வார்த்தைகளால் இழிவுபடுத்துவதாகவும் திருத்தணி தொகுதி நிர்வாகிகள் குற்றம் சாட்டுகின்றனர்.