திமுக அரசு சீரழிந்து கொண்டிருப்பதையடுத்து, வீடு வீடாக கதவை தட்டி, உறுப்பினர்களை சேர்க்கும் வேலையை செய்து வருவதாக அதிமுக  பொதுச்செயலாளர் எடப்பாடி பழனிசாமி கடும் விமர்சனம் தெரிவித்துள்ளார்.

ராணிப்பேட்டையில் நடைபெற்ற தேர்தல் பிரச்சார கூட்டத்தில் பேசிய அவர், “தமிழகத்தில் கடந்த 7 மாதங்களில் மட்டும் 850 கொலைக்கேஸ் நடந்துள்ளது. இது போன்றுள்ள சட்டம் ஒழுங்கு சூழ்நிலை முந்தைய எந்த அரசிலும் காணப்படவில்லை. இந்த அரசின் காலத்தில் மக்கள் அச்சத்துடன் வாழ்கிறார்கள். திமுக ஆட்சி  கடைசி கட்டத்தை நோக்கி பயணிக்கிறது” என்றார்.

மேலும், மகளிர் உரிமைத்தொகை வழங்குவது போன்ற வேலைகள் ஒரு தேர்தல் நாடகத்தின் ஒரு அத்தியாயமாக மட்டுமே அரங்கேற்றப்படுகின்றன என்றும் அவர் குற்றம்சாட்டினார். “தேர்தல் நெருங்குகிறது என்பதால் மகளிர் உரிமைத்தொகையை விரிவாக்கம் செய்ததாக சொல்கிறார்கள். ஆனால் 4 ஆண்டுகளாக ஏன் இந்த திட்டத்தை புறக்கணித்தார்கள் என்பதை மக்கள் கேட்கவேண்டும். மக்கள் அனைவரும் இதை உணர்ந்து, எதிர்வரும் தேர்தலில் திமுகவுக்கு உரிய பாடம் புகட்டுவார்கள்” என உரக்க பேசினார்.