தமிழக அமைச்சரவையில் அமைச்சர் ராஜ்மோகனுக்குத் திரைப்படத் துறை இலாகா ஒதுக்கப்பட்டிருப்பது தனக்கு மிகுந்த வருத்தமளிப்பதாக நடிகர் விஷால் பகிரங்கமாகத் தெரிவித்துள்ளார். சினிமாவில் எந்தவொரு அடிப்படை அனுபவமும் இல்லாத ஒருவரிடம், திரைத்துறை சார்ந்த மிக முக்கியமான கோரிக்கைகளை எப்படி முன்வைக்க முடியும், அதற்கு எப்படிச் சரியான தீர்வு கிடைக்கும் என்று அவர் அடுக்கடுக்கான கேள்விகளை எழுப்பியுள்ளார்.

​அதே சமயம், 30 ஆண்டுகளுக்கும் மேலாகச் சினிமாவில் பயணித்து, அதன் கஷ்ட நஷ்டங்களை முழுமையாகப் புரிந்து வைத்துள்ள தமிழக முதல்வர் விஜய், இந்தத் திரைப்படத் துறை இலாகாவைத் தன் வசம் வைத்திருப்பதுதானே சரியாக இருக்கும் என்றும் விஷால் கேள்வி எழுப்பியுள்ளார். அமைச்சர் ராஜ்மோகனைச் சிறுமைப்படுத்தும் நோக்கம் தனக்கு இல்லை என்று குறிப்பிட்டாலும், சினிமா துறைக்கு சினிமா தெரிந்தவரே அமைச்சராக வர வேண்டும் என்ற விஷாலின் இந்த அதிரடிப் பேச்சு தற்பொழுது கோலிவுட் மற்றும் அரசியல் வட்டாரத்தில் பெரும் புயலைக் கிளப்பியுள்ளது.