தமிழகத்தில் நடைபெறும் கோயில் திருவிழாக்கள் மற்றும் பொது நிகழ்ச்சிகளுக்கான அழைப்பிதழ்களில், உபயதாரர்கள் அல்லது சிறப்பு விருந்தினர்களின் பெயர்களுக்குப் பின்னால் அவர்களின் சாதிப் பெயர்களையோ அல்லது சாதி அடையாளங்களையோ குறிப்பிடக்கூடாது என்று சென்னை உயர்நீதிமன்றம் அதிரடி உத்தரவு பிறப்பித்துள்ளது.
மேலும் திருவிழாக்கள் என்பவை மக்கள் அனைவரும் பேதமின்றி ஒன்றிணைந்து கொண்டாடும் இடங்களாக இருக்க வேண்டும் என்றும், அங்கு தனிப்பட்ட நபர்களின் சாதிப் பெருமைகளை பறைசாற்றுவது சமூக அமைதியைக் குலைப்பதோடு தேவையற்ற மோதல்களுக்கும் வழிவகுக்கும் என்று நீதிமன்றம் சுட்டிக்காட்டியுள்ளது.
இந்த உத்தரவானது சமூக நல்லிணக்கத்தை பேணுவதில் ஒரு முக்கிய மைல்கல்லாகப் பார்க்கப்படுகிறது. வழிபாட்டுத் தலங்களிலும் பொது இடங்களிலும் சாதி வேற்றுமைகளைக் களைந்து, சமத்துவத்தை நிலைநாட்ட அரசு மற்றும் கோயில் நிர்வாகங்கள் இந்த நடைமுறையைத் தீவிரமாகப் பின்பற்ற வேண்டும் என நீதிபதிகள் அறிவுறுத்தியுள்ளனர்.
இந்நிலையில் அவர் இதன் மூலம் வருங்காலங்களில் திருவிழா அழைப்பிதழ்கள் வெறும் தகவல்களைப் பகிரும் ஊடகமாக மட்டுமின்றி, சாதியற்ற சமூகத்தை உருவாக்குவதற்கான ஒரு கருவியாகவும் மாறும் என எதிர்பார்க்கப்படுகிறது.
