தமிழக வெற்றிக் கழகத் தலைவர் விஜய் தனது கொள்கைகள் மற்றும் கோட்பாடுகள் குறித்து இதுவரை எதையும் தெளிவாகத் தெரிவிக்கவில்லை என்று சமத்துவ மக்கள் கட்சித் தலைவர் சரத்குமார் கடுமையாக விமர்சித்துள்ளார். “மேடையில் ஏறி உரக்கப் பேசி, ஏதோ கருத்துக்களைக் கூறிவிடுவதால் மட்டுமே ஒருவர் அரசியல் தலைவராகிவிட முடியாது. தனிமனிதர்களைப் பற்றிப் பேசி விமர்சனம் செய்வதுதான் அரசியல் என்று விஜய் நினைத்துக் கொண்டிருந்தால், அவரது கட்சி எப்படி வளரும்?” என்று அவர் கேள்வி எழுப்பியுள்ளார்.
விஜய்யின் அரசியல் முதிர்ச்சியைச் சந்தேகப்படும் வகையில் சரத்குமார் பேசியிருப்பது, தவெக தொண்டர்களிடையே கொந்தளிப்பை ஏற்படுத்தியுள்ளது. குறிப்பாக, மற்றவர்களை விமர்சிப்பதை விட்டுவிட்டு, மக்களுக்கான திட்டங்களையும் கொள்கைகளையும் விஜய் முன்வைக்க வேண்டும் என்பதே சரத்குமாரின் பிரதான குற்றச்சாட்டாக உள்ளது.
