அருணின் பினாமி என்று கூறப்படும் ‘GDM’ எனப்படும் கவுதம், தற்பொழுது அரசுத் தரப்பு சாட்சியாக மாறத் தயாராகி வருவதாகத் தகவல்கள் வெளியாகியுள்ளன. நில மோசடிகள் மற்றும் பஞ்சாயத்து கட்டட ஒப்பந்தங்கள் என்ற பெயரில் பொதுமக்களிடம் கோடிக்கணக்கில் பணத்தைப் பெற்றுக் கொண்டு ஏமாற்றியதால், அவரைக் கைவசப்படுத்தியவர்கள் பணத்தைத் திரும்பக் கேட்டு நெருக்கடி கொடுத்து வருகின்றனர். இதனால் வெளியே தலைகாட்ட முடியாத அளவுக்குப் பெரும் அழுத்தத்திற்கு ஆளாகியுள்ள அவர், உயிருக்குப் பயந்து இந்த முடிவுக்கு வந்துள்ளார்.

அதுமட்டுமின்றி, பத்துக்கு மேற்பட்ட ஆண்டுகளுக்கு முன்பு மார்வாடிகளிடம் கிலோ கணக்கில் தங்கம் மோசடி செய்த விவகாரமும் தற்போது விஸ்வரூபம் எடுத்துள்ளது. உயிரைக் காப்பாற்றிக் கொள்வதைவிடச் சிறைக்குச் செல்வதே மேல் என்ற முடிவுக்கு வந்துள்ள கவுதம் என்ற மகேஷ், அருணின் கருப்புப் பணம் மற்றும் சொத்து விவரங்கள் அனைத்தையும் கக்கிவிட்டுத் தப்பிக்கத் திட்டமிட்டுள்ளார்.

இன்ஸ்டாகிராம் பக்கத்தில் நவீன சொகுசு கார்களுடன் புகைப்படங்களை வெளியிட்டுத் தன்னை வேறு ஒருவராகக் காட்டிக்கொள்ள முயன்றாலும், அவரது முறைகேடுகள் தற்போது வெளிச்சத்திற்கு வந்துள்ளன. இதனைத் தொடர்ந்து, கவுதமுக்கு எதிராகப் புகார்கள் உள்ளவர்கள் சென்னை மாநகராட்சி ஆணையர் திரு. அமல்ராஜ் அவர்களை நேரில் சந்தித்துப் புகார் அளிக்கலாம் என்று தெரிவிக்கப்பட்டுள்ளது.

“>

 

முறைகேடுகளில் ஈடுபட்டவர்கள் மீது கடுமையான சட்ட நடவடிக்கை எடுக்கப்படும் என்று எச்சரிக்கப்பட்டுள்ளதால், இந்த விவகாரம் அரசியல் மற்றும் அதிகார வட்டாரத்தில் பெரும் பரபரப்பை ஏற்படுத்தியுள்ளது.