திண்டிவனத்தில் செய்தியாளர்களைச் சந்தித்த விசிக தலைவர் தொல்.திருமாவளவன், விசிகவின் வெற்றிக்கு உதவிய திமுக உள்ளிட்ட கூட்டணிக் கட்சிகளுக்கு நன்றி தெரிவித்தார். தொடர்ந்து பேசிய அவர், தமிழகத்தில் ஜனாதிபதி ஆட்சி வந்துவிடக் கூடாது என்பதற்காகவே, பெரும்பான்மை கிடைக்காத ஆளுங்கட்சியான தமிழக வெற்றி கழகத்தை (தவெக) தாங்கள் ஆதரித்ததாக மிக முக்கியமான அரசியல் பின்னணியை உடைத்துக் கூறினார். மேலும், தவெக அரசு ஆட்சியை விமர்சிக்காமல் இருக்க ஆறு மாத காலம் அமைதி காக்க வேண்டும் என்றும், தமிழகத்தில் டாஸ்மாக் கடைகளை மூட தவெக அரசு எடுத்த முயற்சி வரவேற்கத்தக்கது என்றும் அவர் குறிப்பிட்டார்.
தமிழகத்தில் சட்டம்-ஒழுங்கு குறித்து தற்போது கருத்து சொல்ல இயலாது எனக் குறிப்பிட்ட திருமாவளவன், முன்னாள் அமைச்சர் கே.என்.நேரு மீதான வழக்குப்பதிவில் எந்தவொரு அரசியல் உள்நோக்கமும் இருப்பதாகத் தெரியவில்லை என்றார். மேலும், இந்தியா கூட்டணி சிதறிவிடக் கூடாது என்பதில் உறுதியாக இருப்பதாகவும், டெல்லியில் நடைபெறும் இந்தியா கூட்டணியின் ஆலோசனைக் கூட்டத்தில் விசிக பங்கேற்கும் என்றும் அவர் திட்டவட்டமாகத் தெரிவித்தார்.
