இன்றைய நவீன உலகம் சமூக வலைதளங்களில் ‘லைக்ஸ்’ (Likes) மற்றும் ‘வியூஸ்’ (Views) பெற வேண்டும் என்பதற்காக எல்லைகளைத் தாண்டி ஓடிக் கொண்டிருக்கிறது. சில நொடிகள் இணையவாசிகளின் கவனத்தை ஈர்ப்பதற்காகச் சட்டத்தையும், காவல்துறையின் கௌரவத்தையும் கூடக் கேலிப்பொருளாக்கத் துணியும் இளைஞர்களின் எண்ணிக்கை நாளுக்கு நாள் அதிகரித்து வருகிறது.

அப்படியொரு போலி அலப்பறையில் ஈடுபட்டு, இறுதியில் சட்டத்தின் இரும்புக்கரங்களில் சிக்கித் தன் தவறை உணர்ந்து மன்னிப்புக் கேட்கும் நிலைக்குத் தள்ளப்பட்டுள்ளனர்  வாலிபர்கள்.  கன்னியாகுமரி மாவட்டத்தில் அரங்கேறிய இந்தச் சம்பவம், இணைய உலகிற்கு ஒரு மாபெரும் எச்சரிக்கை மணியாக மாறியிருக்கிறது!

சம்பவத்தன்று, அந்த வாலிபர்கள்  தன் காரில் சட்டவிரோதமாகக் காவல்துறையினர் பயன்படுத்தும் ‘சைரன்’ (Siren) ஒலிப்பானைப் பொருத்தியிருக்கிறான். அவ்வளவுடன் நிற்காமல், கையில் ஒரு ஒலிபெருக்கியை ஏந்திக் கொண்டு, தானோ ஒரு பெரிய போக்குவரத்துப் போலீஸ் அதிகாரி போல பாவனை செய்து, நடுரோட்டில் காருக்குள் இருந்தபடியே பிற வாகன ஓட்டிகளுக்கு உத்தரவுகளைப் பிறப்பித்து, கூச்சலிட்டு அலப்பறை செய்திருக்கிறான்.

தான் செய்த இந்த அத்துமீறலை நண்பர்களை விட்டு வீடீயோவாகப் பதிவு செய்ய வைத்து, பின்னணியில் மாஸ் இசையைச் சேர்த்து ‘ரீல்ஸ்’ (Reels) ஆகச் சமூக வலைதளங்களில் பதிவேற்றினான். “நாங்கள் தான் கெத்து” என்ற மிதப்பில் அவன் பகிர்ந்த அந்த வீடியோ, இணையத்தில் தீயாகப் பரவியது.

ஆனால், அந்த போலி மாஸ் வீடியோ, அவன் வாழ்க்கையின் திசையையே மாற்றப்போகிறது என்பதை அந்தப் பேதை மனிதன் உணர்ந்திருக்கவில்லை!

இந்த வைரல் வீடியோ கன்னியாகுமரி மாவட்டக் காவல்துறையின் பார்வையில் பட்ட அடுத்த நொடி, சட்டம் தன் கடமையைச் செய்யத் தொடங்கியது. காவல்துறையின் அடையாளங்களையும், சைரன் அமைப்புகளையும் தவறாகப் பயன்படுத்தி, பொதுமக்களுக்கு இடையூறு விளைவித்த அந்த வாலிபர்களை தேடும் பணி முடுக்கிவிடப்பட்டது.

காரின் பதிவெண்ணை வைத்து அதிவிரைவாகச் செயல்பட்ட போலீசார், அந்த வாலிபர்களை  மடக்கிப் பிடித்தனர். காவல் நிலையத்தின் கதவுகளுக்குள் நுழைந்த அடுத்த நொடி, இணையத்தில் அவன் காட்டிய அந்தப் போலி ‘கெத்து’ அனைத்தும் காற்றில் பறந்துபோனது! காக்கிச் சட்டையின் கம்பீரத்தின் முன்னே, தன் தவறை உணர்ந்து நடுநடுங்கி நின்றான் அந்த இளைஞன்.

காவல்துறையினர் அவனுக்குச் சட்டப்படி தண்டனை வழங்கியதுடன் நிறுத்திக் கொள்ளவில்லை; அவனது போலித்தனத்தைச் சமூகத்தின் முன் தோலுரித்துக் காட்ட ஒரு உன்னதமான வழியைத் தேர்ந்தெடுத்தனர்.

எந்த இன்ஸ்டாகிராம் ரீல்ஸில் தன் அலப்பறையைப் பதிவிட்டு லைக்ஸ் வாங்க நினைத்தானோ, அதே இன்ஸ்டாகிராமில், “நான் செய்தது மாபெரும் தவறு. காவல்துறையினரின் சைரனைத் தவறாகப் பயன்படுத்தியதற்காகவும், பொதுமக்களுக்கு இடையூறு செய்ததற்காகவும் மனதார மன்னிப்புக் கேட்டுக் கொள்கிறேன். யாரும் என்னைப்போலச் சட்டத்தைக் கையில் எடுத்துக்கொண்டு போலி ரீல்ஸ்கள் செய்யாதீர்கள்!” என்று கை கூப்பி மன்னிப்புக் கேட்கும் வீடியோவைப் பதிவு செய்து வெளியிட வைத்தனர்!

“>

சில வினாடி இணையப் புகழுக்காகச் சட்டத்தை விளையாட்டாக நினைக்கும் இளைய தலைமுறைக்குக் கன்னியாகுமரி காவல்துறை கற்பித்த இந்த பாடம் மிக அவசியமானது.

போலி கெத்துகளும், சட்டத்திற்குப் புறம்பான அலப்பறைகளும் நம்மைச் சிகரத்திற்கு அழைத்துச் செல்லாது; மாறாக, சட்டத்தின் முன் நம்மை மண்டியிட வைக்கும் என்பதை இந்தச் சம்பவம் உரக்கச் சொல்லியிருக்கிறது. போலித்தனங்களை விட்டுவிட்டு, நிஜ வாழ்க்கையின் கம்பீரத்தோடு வாழப் பழகுவதே ஒரு மனிதனுக்கு உண்மையான அழகு!