மதுரையில் நடந்த மாடுகள் பாதுகாப்பு மாநாட்டை தொடர்ந்து, அதை கடுமையாக விமர்சித்துள்ளார் வி.சி.க. துணை பொதுச்செயலாளர் வன்னி அரசு. தன் ‘எக்ஸ்’ வலைதளத்தில் அவர் பதிவு வெளியிட்டுள்ளார்.
அதில், “அழகு முத்துக்கோன் குருபூஜை விழாவையொட்டி நாதக தலைமை ஒருங்கிணைப்பாளர் சீமான் ஆடு, மாடுகள் பாதுகாப்பு மாநாட்டை மதுரையில் நடத்தியுள்ளார்” என்றும், இது ஒரு சாதாரண நிகழ்வாக இல்லாமல், ஆர்.எஸ்.எஸ். பின்னணியில் நடத்தப்பட்ட விழா எனவும் அவர் குற்றம்சாட்டியுள்ளார். மேலும், இந்த மாநாடுகள் ஆரியக் கோட்பாடை ஊக்கப்படுத்தும் வகையில் நடத்தப்படுவதாகவும், சனாதன மத நம்பிக்கைகள் போற்றப்படுவதாகவும் வன்னி அரசு கடுமையாக விமர்சித்துள்ளார்.
“மாடுகளை மேய்க்கச் சொல்வதும், பனை ஏறி கள்ளுக் குடிக்க வலியுறுத்துவதும், பார்ப்பனரல்லாத சமூகங்களை பழைய தொழில்களில் சிக்கவைக்கச் செய்யும் முயற்சி” என அவர் கூறியுள்ளார். மேலும், “இது பார்ப்பனக் கும்பலின் நோக்கம். அவர்கள் தொழில் செய்யச் சொல்லாமல், காலந்தோறும் இந்த வேலையை செய்து வரும் சமூகங்களையே கட்டாயப்படுத்துவதை சாதிவெறி” என்றும் அவர் விளக்கியுள்ளார்.
இத்தகைய அரசியல் ஆதாரங்களுடன் கூடிய மாநாடுகள் விவாதத்தையும் விமர்சனத்தையும் ஏற்படுத்தியுள்ள நிலையில், அரசியல் வட்டாரங்களில் இது பரபரப்பை ஏற்படுத்தி உள்ளது.
