தென்காசி மாவட்டம் கடையம் பகுதியில் உள்ள கல் குவாரி ஒன்றில், தமிழக வெற்றிக் கழகத்தின் (தவெக) முக்கிய நிர்வாகி ஒருவர் அழுகிய நிலையில் சடலமாக மீட்கப்பட்டிருக்கும் அதிர்ச்சிச் சம்பவம் அந்தப் பகுதியில் பெரும் பரபரப்பையும், கட்சித் தொண்டர்கள் மத்தியில் பெரும் சோகத்தையும் ஏற்படுத்தியுள்ளது.

தென்காசி மாவட்டம் கடையம் அருகே உள்ள ஒரு கல் குவாரியில் சடலம் ஒன்று மிதப்பதாகப் பொதுமக்களிடம் இருந்து போலீசாருக்குத் தகவல் கிடைத்துள்ளது.

சம்பவ இடத்திற்கு விரைந்து வந்த போலீசார் மற்றும் மீட்புக் குழுவினர், அந்த நீர்நிலையில் இருந்து அழுகிய நிலையில் இருந்த உடலை மீட்டுப் பிரேதப் பரிசோதனைக்கு அனுப்பி வைத்தனர்.

முதற்கட்ட விசாரணையில், சடலமாக மீட்கப்பட்ட நபர் தவெக நிர்வாகியான சக்திவேல் என்பது உறுதி செய்யப்பட்டுள்ளது. இந்த ஹாட் நியூஸ் அரசியல் வட்டாரத்தில் பெரும் அதிர்வலைகளை ஏற்படுத்தியுள்ள நிலையில், சக்திவேலின் மரணம் தற்கொலையா, விபத்தா அல்லது இதற்குப் பின்னணியில் ஏதேனும் மர்மம் உள்ளதா என்ற பல கோணங்களில் போலீசார் தங்களது தீவிர விசாரணையை முடுக்கிவிட்டுள்ளனர்.