தமிழக வெற்றிக் கழகம் கட்சித் தலைவர் விஜய், நேற்று நாகப்பட்டினத்தில் நடைபெற்ற பிரச்சாரக் கூட்டத்தில் பேசினார். அப்போது அவர், முதலமைச்சர் மு.க. ஸ்டாலினின் சமீபத்திய வெளிநாட்டு சுற்றுப்பயணத்தை கடுமையாக விமர்சித்தார். “சி.எம். சார், மனசை தொட்டு சொல்லுங்க… வெளிநாட்டு முதலீடா இல்லை வெளிநாட்டில் முதலீடா…” என்று கூறிய அவர், தொடர்ந்து, “குடும்பத்தை வைத்து கொள்ளையடிக்கும் உங்களுக்கே இவ்வளவு என்றால், சொந்தமாக உழைத்து சம்பாதித்த எனக்கு எவ்வளவு இருக்கும்?” என்கிற வகையில், முதல்வரின் சுற்றுப்பயணம் தமிழகத்திற்கு முதலீடு கொண்டுவரவில்லை, மாறாக வெளிநாடுகளில் முதலீடு செய்யும் திட்டமே என்று கிண்டலடித்தார். இந்தப் பேச்சு, த.வெ.க.வின் ஆதரவாளர்களிடையே பெரும் வரவேற்பைப் பெற்றது.

இதுகுறித்து தமிழக அமைச்சர் டி.ஆர்.பி. ராஜாவிடம் கேட்டபோது, “வெளிநாட்டு முதலீடா இல்லை வெளிநாட்டில் முதலீடா என த.வெ.க. தலைவர் விஜய், முதலமைச்சரை பார்த்து விமர்சனம் செய்துள்ளாரே?” என்ற கேள்வி எழுப்பப்பட்டது. அதற்குப் பதிலளித்த அமைச்சர், “கண்டது கழியது பற்றி கேள்வி கேட்கிறீர்கள். ஆரோக்கியமான கேள்விகளை கேளுங்கள்” என சொல்லி, விஜயின் விமர்சனத்தை மறுத்து, அது ஆரோக்கியமற்றது என்று குற்றம் சாட்டினார். இந்தப் பதில், அரசியல் வட்டங்களில் பரபரப்பை ஏற்படுத்தியுள்ளது.