வார இறுதி நாட்களில் ரெஸ்டாரண்டிற்குச் சென்று விதவிதமாகச் சாப்பிடுவது பலருக்கும் பிடிக்கும். குறிப்பாக, அசைவ உணவுகளுக்கு இணையான சுவையும், அதேசமயம் உடலுக்குத் தேவையான ஊட்டச்சத்துக்களும் நிறைந்த காளான்  உணவுகளுக்கு எப்போதும் தனி மவுசு உண்டு.

ஆனால், அதே ரெஸ்டாரன்ட் ஸ்டைல் சுவையை நம் வீட்டிலேயே மிக எளிதாகக் கொண்டுவர முடியும் என்பது தெரியுமா? காளானில் புரதச்சத்து, வைட்டமின்கள் மற்றும் தாதுப்பொருட்கள் அதிகளவில் நிறைந்துள்ளன. கலோரி குறைவாகவும், நார்ச்சத்து அதிகமாகவும் இருப்பதால், உடல் எடையைக் குறைக்க நினைப்பவர்களுக்கும் இது ஒரு சிறந்த உணவாகும்.

தினமும் ஒரே மாதிரியான காய்கறி சமையலைச் செய்து சலித்துப்போனவர்களுக்கு, காளானைக் கொண்டு செய்யப்படும் உணவுகள் ஒரு புதிய சுவை மாற்றத்தைத் தரும்.
வீட்டிலேயே ஹோட்டல் சுவையில் செய்யக்கூடிய சில அருமையான காளான் உணவுகளில் ‘காளான் மசாலா’  மற்றும் ‘கடாய் காளான்’ முதன்மையானவை.

வெங்காயம், தக்காளி மற்றும் மசாலாப் பொருட்களைச் சரியாக வதக்கிச் செய்யப்படும் இந்த கிரேவிகள், சப்பாத்தி, நான் மற்றும் ஃபிரைடு ரைஸிற்கு அற்புதமான காம்பினேஷனாக இருக்கும். அதேபோல, மொறுமொறுப்பான ‘காளான் 65’ அல்லது ‘பூண்டு காளான்’  போன்றவற்றைச் மாலை நேரச் சிற்றுண்டியாக நொடிப் பொழுதில் தயார் செய்துவிடலாம்.

கடைகளில் வாங்கிச் சாப்பிடுவதை விட, தூய்மையாகவும் ஆரோக்கியமாகவும் வீட்டிலேயே செய்து கொடுக்கும்போது குழந்தைகளும் குடும்பத்தினரும் விரும்பிச் சாப்பிடுவார்கள். எனவே, இந்த வாரம் உங்கள் சமையலறையிலேயே அந்த ரெஸ்டாரன்ட் மேஜிக்கை ட்ரை பண்ணிப் பாருங்கள்!