“ஐபிஎல்லில் நிறைய பணம் இருக்கிறது, ஆனால் நான் நாட்டுக்காக விளையாடுவேன்” என்று ஆஸ்திரேலிய அணியின் இடது கை வேகப்பந்து வீச்சாளர் மிட்செல் ஸ்டார்க் தெரிவித்துள்ளார்..
இந்திய கிரிக்கெட் வாரியம் நடத்தும் ஐபிஎல் டி20 தொடரில் உலகின் மிகப்பெரிய நட்சத்திரங்கள் அனைவரும் பங்கேற்கின்றனர். மேலும் பல வீரர்கள் ஐபிஎல் தொடரில் விளையாட ஆர்வம் காட்டி வருகின்றனர். இத்தகைய சூழ்நிலையில் ஆஸ்திரேலிய அணியின் இடது கை வேகப்பந்து வீச்சாளர் மிட்செல் ஸ்டார்க் ஐபிஎல் தொடரில் விளையாடுவதை தொடர்ந்து தவிர்த்து வருகிறார்..
நாட்டிற்காக அதிக நேரம் விளையாடுவதற்காக ஐபிஎல் வகை தொடரை புறக்கணிப்பதாக அறிவித்திருந்தார். இதுவரை அவர் இரண்டு ஐபிஎல் சீசன்களில் மட்டுமே விளையாடியுள்ளார், அதுவும் ராயல் சேலஞ்சர்ஸ் அணிக்காக மட்டுமே. அவர் கடைசியாக 2015 இல் விளையாடினார். நாளை தொடங்கும் உலக டெஸ்ட் சாம்பியன்ஷிப் இறுதிப் போட்டியில் வெற்றி பெற்றால், அனைத்து உலகக் கோப்பைகளையும் வென்ற அபூர்வ வீரர் என்ற பெருமையை பெறுவார்.
ஆஸ்திரேலியாவுக்காக 10 ஆண்டுகளுக்கும் மேலாக கிரிக்கெட்டின் மூன்று வடிவங்களிலும் விளையாடி மொத்தம் 77 டெஸ்ட் போட்டிகளில் விளையாடி 27.52 சராசரியில் 306 விக்கெட்டுகளை வீழ்த்தியுள்ளார் என்பது குறிப்பிடத்தக்கது.
தற்போது ஐபிஎல்லில் ஏன் விளையாடவில்லை என்பதை விளக்கிய மிட்செல் ஸ்டார்க், “ஆஸ்திரேலியாவுக்காக தொடர்ந்து விளையாடுவதற்காக, சில விஷயங்களை புத்திசாலித்தனமாக செய்ய வேண்டாம் என்று முடிவு செய்தேன்.ஐபிஎல்லில் நிறைய பணம் கிடைக்கிறது தான், ஆனால் நான் ஆஸ்திரேலியாவுக்காக 100 டெஸ்ட் போட்டிகளில் விளையாட விரும்புகிறேன். இது என்னால் முடியும், இது என்னால் செய்ய முடியாது என்பதை தாண்டி என்னுள் ஏதாவது மீதமிருக்கும் என்று நம்பி ஏதாவது செய்ய வேண்டும் என்று நினைக்கிறேன்.
10 ஆண்டுகளுக்கும் மேலாக கிரிக்கெட்டின் 3 வடிவங்களிலும் சர்வதேச போட்டிகளில் விளையாடுவது வலி நிறைந்தது. ஆனால் நான் இவ்வளவு தூரம் வந்ததற்கு நன்றி கூறுகிறேன். எனது பந்துவீச்சில் நான் காற்றின் வேகத்தை இழந்தபின், யாரோ ஒருவர் என் இடத்திற்கு வரலாம். அடுத்த இடது கை வேகப்பந்து வீச்சாளர் வரும்போது எனது இடம் காலியாக இருக்கும் என்று எனக்குத் தெரியும். விமர்சனம் என்ற பெயரில் சில வருடங்களுக்கு முன்பு வரை ஊடகங்கள் என்னை தொந்தரவு செய்திருக்கலாம். ஆனால் இப்போது அவர்கள் என்னைத் தொந்தரவு செய்ய முடியாத இடத்தில் இருக்கிறேன்” என்று கூறினார்.
