எந்தெந்த பகுதி?… ஈரோடு இடைத்தேர்தல்….. 2 நாள் பரப்புரை சுற்றுப்பயணம் மேற்கொள்ளும் முதல்வர் ஸ்டாலின்… இதோ விவரம்..!!

ஈரோடு கிழக்கு இடைத்தேர்தலில் காங்கிரஸ் வேட்பாளர் இளங்கோவனை ஆதரித்து முதல்வர் ஸ்டாலின் பிப்ரவரி 24 மற்றும் 25ஆம் தேதி பரப்புரை மேற்கொள்கிறார்..

ஈரோடு கிழக்கு தொகுதி எம்எல்ஏவாக இருந்த ஈ.வி.கே.எஸ் இளங்கோவன் மகன் திருமகன் ஈவேரா மாரடைப்பால் கடந்த ஜனவரி 4ஆம் தேதி மரணமடைந்ததை தொடர்ந்து ஈரோடு கிழக்கு சட்டமன்ற தொகுதிக்கு இடைத்தேர்தல் அறிவிக்கப்பட்டது. இதையடுத்து ஆளும் கட்சியான திமுக கூட்டணி கட்சியான காங்கிரசுக்கு மீண்டும் அந்த தொகுதியை ஒதுக்கிது. அதில் காங்கிரஸ் மூத்த தலைவரான ஈவிகேஎஸ் இளங்கோவன் போட்டியிடுவதாக அறிவிக்கப்பட்டது. அதேபோல அதிமுக சார்பில் தென்னரசு, தேமுதிக சார்பில் ஆனந்த், நாம் தமிழர் சார்பாக மேனகா உள்ளிட்டோர் களம் காண்கின்றனர்..

இதற்கான வேட்பு மனு தாக்கல் ஜனவரி 31-ஆம் தேதி தொடங்கிய நிலையில் நேற்றோடு வேட்பு மனு தாக்கல் நிறைவடைந்தது. இதனைத்தொடர்ந்து இன்று வேட்புமனு பரிசீலனை நடைபெற்றது. இதில் 121 பேர் வேட்புமனு தாக்கல் செய்த நிலையில், 41 வேட்புமனுக்கள் நிராகரிக்கப்பட்டு பிரதான கட்சிகளின் வேட்பாளர்கள் உட்பட 80 பேர் வேட்பு மனுக்கள் ஏற்றுக் கொள்ளப்பட்டன. இந்நிலையில் திமுக, அதிமுக, தேமுதிக, நாம் தமிழர் என பிரதான கட்சிகள் தேர்தலுக்கு பரப்பரை மேற்கொண்டு வருகின்றனர்.

இந்நிலையில் ஈரோடு கிழக்கு இடைத்தேர்தலில் காங்கிரஸ் வேட்பாளர் இளங்கோவனை ஆதரித்து முதல்வர் ஸ்டாலின் பிப்ரவரி 24 மற்றும் 25ஆம் தேதி பரப்புரை மேற்கொள்ளதாக தெரிவிக்கப்பட்டுள்ளது. இதுகுறித்து வெளியான அறிவிப்பில், ஈரோடு கிழக்கு சட்டமன்ற தொகுதி ஜனநாயக முற்போக்கு கூட்டணியின் காங்கிரஸ் வேட்பாளர் திரு ஈவிகேஎஸ் இளங்கோவன் அவர்களுக்கு கை சின்னத்தில் வாக்குகள் சேகரிக்கும் சுற்றுப்பயண விவரம்.

மாண்புமிகு தமிழ்நாடு முதலமைச்சர் கழக தலைவர் தளபதி அவர்கள் 24.02 2023 வெள்ளிக்கிழமை :