ஈரான் போர் நிறுத்தம் கோரியுள்ளதாக அமெரிக்க அதிபர் டொனால்ட் டிரம்ப் தெரிவித்துள்ளார். ஹோர்முஸ் ஜலசந்தி முழுமையாகத் திறக்கப்பட்டால் மட்டுமே இது குறித்துப் பரிசீலிக்கப்படும் என்றும், இல்லையெனில் ஈரானை முற்றிலுமாக அழித்துவிடுவேன் என்றும் அவர் கடுமையாக எச்சரித்துள்ளார். இருப்பினும், டிரம்பின் இந்தக் கூற்றை ஈரான் திட்டவட்டமாக நிராகரித்துள்ளது.
தாங்கள் எந்த ஒரு போர் நிறுத்த கோரிக்கையையும் விடுக்கவில்லை என்றும், அமெரிக்க வீரர்களின் இழப்புகளை மறைக்க டிரம்ப் இது போன்ற பொய்களைக் கூறி வருவதாகவும் ஈரான் பதிலடி கொடுத்துள்ளது.
மறுபுறம், ஈரானுக்கு எதிரான போரில் இணையாத நேட்டோ அமைப்பை “காகிதப் புலி” என்று டிரம்ப் விமர்சித்துள்ளார். பிரிட்டனிடம் போதிய கடற்படை கூட இல்லை என்று சாடிய அவர், நேட்டோ அமைப்பிலிருந்து அமெரிக்கா வெளியேறுவது குறித்து ஆலோசித்து வருவதாகவும் தெரிவித்துள்ளார்.
அமெரிக்கப் படைகள் விரைவில் ஈரானை விட்டு வெளியேறும் என்றும், அதன் பிறகு அந்த ஆட்சி தானாகவே வீழும் என்றும் கூறியுள்ள டிரம்ப், தற்போதைய சூழலில் உலக அரசியலில் பெரும் பரபரப்பை ஏற்படுத்தியுள்ளார்.
