“கார்ப்பரேட் உலகம் என்றாலே இரக்கமற்றது, டார்கெட் மட்டுமே முக்கியம் என்று நினைப்பவர்களின் எண்ணத்தை மாற்றி, ஒட்டுமொத்த இணையவாசிகளின் கண்களையும் குளிர வைத்த ஒரு நெகிழ்ச்சியான உண்மைச் சம்பவம் தற்பொழுது சமூக வலைதளங்களில் காட்டுத்தீயாய் பரவி வருகிறது.

தனது மகனுக்கு உடல்நிலை சரியில்லாத காரணத்தால், அவனைக் கண்ணும் கருத்துமாக கவனித்துக் கொள்ள வேண்டிய கட்டாயத்தில், ‘எனக்கு வேறு வழியே இல்லை, என் குடும்பத்திற்காக நான் வேலையை ராஜினாமா செய்கிறேன்’ என உருக்கமாகக் கடிதம் எழுதிய ஊழியர் ஒருவருக்கு, அவரது மேலாளர் (Manager) அளித்த பதில் பலரையும் ஆச்சரியத்தின் உச்சத்துக்கே கொண்டு சென்றுள்ளது.

அந்த ஊழியரின் ராஜினாமா கடிதத்தைப் படித்துவிட்டு மனிதாபிமானத்துடன் பதிலளித்த மேலாளர், ‘வேலையை விடாதே.. உனக்கு குடும்பம் தான் எல்லாவற்றையும் விட முக்கியம், இந்த இக்கட்டான நேரத்தில் உன்னுடைய இருப்பு தான் உன் மகனுக்குத் தேவை; எனவே நீ வேலையை ராஜினாமா செய்ய வேண்டாம், அதற்குப் பதிலாக வீட்டில் இருந்தே வேலை செய் (Work From Home) அல்லது உனக்குத் தேவையான வரை நீண்ட விடுமுறை (Long Leave) எடுத்துக் கொள்’ எனக்கூறி அவரது முடிவை மாற்றியுள்ளார்.

கடமைக்கும் குடும்பத்திற்கும் இடையே தவித்த ஒரு எளிய ஊழியருக்கு, ஒரு தெய்வமாக வந்து உதவிய இந்த மேலாளரின் மனிதாபிமானச் செயல், பணிச்சூழலில் புரிதலும் மனிதநேயமும் எவ்வளவு முக்கியம் என்பதை உலகிற்கு உரக்கச் சொல்லியுள்ளது.”