நம் வீட்டு சமையல் அறையில் இருக்கக்கூடிய சில மசாலா பொருட்களை பயன்படுத்தி உடல் ஆரோக்கியத்தை மேம்படுத்த முடியும். சமையலறையை வீட்டின் மருந்தகம் என்று கூட அழைக்கலாம். அதன்படி சமையல் அறையில் இருக்கும் மூன்று மசாலா பொருட்களை பயன்படுத்தி பல பிரச்சனைகளில் இருந்து விடுபடலாம்.
அதாவது தொடர்ந்து வாயு தொல்லையால் சிரமப்பட்டால் சமையலறையில் உள்ள செலரி, கருப்பு உப்பு மற்றும் சீரகம் ஆகியவற்றை சேர்த்து பயன்படுத்தினால் பலன் கிடைக்கும். இந்த மூன்றையும் சேர்த்து சாப்பிட்டால் வாயு பிரச்சினையில் இருந்து விடுபடலாம். மேலும் வயிற்று வலி, பிடிப்பு மற்றும் மலச்சிக்கல் ஆகிய பிரச்சனைகளுக்கும் தீர்வு கிடைக்கும்.
மலச்சிக்கல் பிரச்சனையிலிருந்து விடுபட செலரி, கருப்பு உப்பு மற்றும் சீரகம் ஆகியவற்றை பொடியாக்கி வெதுவெதுப்பான நீரில் கலந்து குடித்து வரலாம்.
அதனைப் போலவே ரத்த அழுத்தத்தை கட்டுப்படுத்த செலரி , கருப்பு உப்பு மற்றும் சீரகத்தை பயன்படுத்தலாம். இதில் கருப்பு உப்பு சோடியத்தின் சிறந்த மூலமாகும். இது ரத்த அழுத்தத்தை கட்டுப்படுத்துகிறது.
வாய் ஆரோக்கியத்தை மேம்படுத்துவதற்கும் இந்த மூன்று பொருட்கள் சிறந்தது. இதில் ஏராளமாக கால்சியம் இருப்பதால் நமது பற்களை பலப்படுத்தும். பல்வலி இருப்பவர்கள் இந்த பொருட்களைக் கொண்டு தயாரிக்கப்படும் பொடியை விரலால் பற்களில் மசாஜ் செய்தால் பல் வலிக்கு நிவாரணம் கிடைக்கும்.
