பொதுவாக செல்போன் பயன்படுத்தும் பலரின் செல்போன் சில நேரங்களில் அதிக வெப்பமடைந்து விடும். ஆனால் சாதாரண பயன்பாட்டில் உங்களின் தொலைபேசி அதிக வெப்பமடைய கூடாது. இருந்தாலும் 15 நிமிடங்களுக்கு மேல் கேம் விளையாடிய பிறகு உங்கள் கைகளில் சற்று வெப்பமான உணர்வை பெறும்போது கவலைப்பட வேண்டாம்.உங்களிடம் அதிக வெப்பமடையும் திறன் கொண்ட செல்போன் இருந்தால் அதற்கு ஒன்று அல்லது அதற்கு மேற்பட்ட தரமற்ற பயன்பாடுகள் காரணமாக இருக்கக்கூடும்.

உங்களின் செல்போனில் தேவையில்லாத செயலியை நிறுவி இருக்கலாம். அதனைப் போலவே உங்கள் மொபைலில் நிறுவப்பட்ட செயலில் பழைய அப்டேட்டில் இருக்கலாம். எனவே போன் அதிக வெப்பமடைய செய்யும் தரம் அற்ற பயன்பாடுகளின் செயல்களை நீக்கி உங்கள் மொபைலில் நிறுவப்பட்டுள்ள அனைத்து செயல்களையும் புதுப்பிக்கவும்.

செல்போனில் ஒரே நேரத்தில் பல பயன்பாடுகளை இயக்க முடியும் என்பதால் இதுபோன்ற சமயங்களில் செல்போன் அதிக வெப்பம் ஆகும். எனவே செல்போன் அதிக வெப்பமடைவதை கவனிக்கும் போது உங்கள் சாதனத்தில் நிறைய ஆப்ஸ் இயங்கிக் கொண்டிருக்கிறதா என்பதை சரி பார்க்க வேண்டும்.

செல்போனில் உள்ள மால்வேர் அதிக வெப்பத்தை உண்டாக்குவது மட்டுமல்லாமல் வேகத்தையும் குறைக்க கூடும். இதனை தடுக்க வைரஸ் ஸ்கேனர் பயன்பாட்டை நீங்கள் நிறுவ வேண்டும். உங்கள் சாதனத்தை ஸ்கேன் செய்து உங்கள் மொபைலில் இருந்து தீம் பொருளை அகற்ற இந்த பயன்பாட்டை பயன்படுத்திக் கொள்ளலாம்.

நீங்கள் சார்ஜ் செய்யும் போது உங்கள் போன் சூடானால் உங்களிடம் மோசமான சார்ஜர் கேபிள் இருக்கலாம். ஃபர்ஸ்ட் பார்டி சார்ஜிங் ஆக்சஸரீஸ் கூட மொபைலை அதிக வெப்பமடைய செய்யும். எனவே சார்ஜிங் கேபிள் மற்றும் சார்ஜர் ஆகியவற்றை மாற்ற வேண்டும்.

செல்போன் வெப்பமடைய முக்கிய காரணம் செல்போனில் உள்ள கேஸ்கள் தான். உங்களிடம் மிகவும் தடிமனான போன் கேஸ் இருந்தால் நீங்கள் கேம் தலை விளையாடும் போது அல்லது உங்கள் மொபைலில் ஏதாவது தீவிரமாக செய்யும் போது அதனை அகற்றவும்.

ப்ளூடூத் பயன்படுத்தும் போது புதிய சாதனங்கள் அதிக வெப்பமடையாது. ஆனால் நீண்ட நாட்களாக ஆண்ட்ராய்டு அப்டேட்டுகளை பெறுவதை நிறுத்திய பழைய ஃபோன்கள் ப்ளூடூத் மற்றும் வைபை ஆன் செய்யும்போது அதிக வெப்பமடையும். உங்கள் மொபைலில் இந்த வயர்லெஸ் தீர்வுகளின் தாக்கத்தை குறைக்க டேட்டா உபயோகத்தை நீங்கள் கட்டுப்படுத்தலாம்.