பெங்களூரு ராஜராஜேஸ்வரி (RR) நகரில் உள்ள பி.இ.எம்.எல் (BEML) லேஅவுட் பகுதியில், 75 வயதான சாவித்திரம்மா என்ற முதியவரை அவரது மகன் வெங்கடேஷே 4-வது மாடியில் இருந்து தள்ளிக் கொலை செய்த சம்பவம் அதிர்ச்சியை ஏற்படுத்தியுள்ளது. கடந்த 5 ஆண்டுகளாகப் பக்கவாதத்தால் பாதிக்கப்பட்டுப் படுத்த படுக்கையாக இருந்த தாயைப் பராமரிக்க முடியாமல் ஏற்பட்ட விரக்தியால் இந்த விபரீத முடிவை எடுத்ததாகக் கூறப்படுகிறது.

​நேற்று (ஏப்ரல் 15, 2026) பிற்பகல், வீட்டில் யாரும் இல்லாத நேரத்தில் தனது தாயைத் தூக்கிக்கொண்டு 4-வது மாடிக்குச் சென்ற வெங்கடேஷ், அங்கிருந்து அவரை கீழே தள்ளியுள்ளார். பலத்த அடிபட்ட சாவித்திரம்மா சம்பவ இடத்திலேயே உயிரிழந்தார். சத்தம் கேட்டு ஓடிவந்த அக்கம் பக்கத்தினர் அளித்த தகவலின் பேரில் விரைந்து வந்த போலீசார், வெங்கடேஷைக் கைது செய்தனர்.

“தன் தந்தையின் மறைவுக்குப் பின் தாயை நல்லபடியாக கவனித்து வந்ததாகவும், ஆனால் அவரின் தொடர் உடல்நலக்குறைவு மற்றும் பொருளாதார நெருக்கடியால் ஏற்பட்ட மன அழுத்தமே இதற்குக் காரணம்” என்றும் வெங்கடேஷ் வாக்குமூலம் அளித்துள்ளார்.