உத்தரப் பிரதேச மாநிலம் நவீனமயமாக்கப்பட்டு வருவதாகவும், அதிநவீன எக்ஸ்பிரஸ்வே சாலைகள் அமைக்கப்பட்டு வருவதாகவும் பெருமையாகப் பேசப்பட்டாலும், நாட்டின் ஒருசில பகுதிகளில் இன்றும் அடிப்படை வசதிகள் கூட எட்டப்படாத நிலை தொடர்வது பெரும் வேதனை அளிக்கிறது.

குறிப்பாக, கான்பூர் மாவட்டத்திலுள்ள பகுதியில் அமைந்துள்ள கிராமத்தைச் சேர்ந்த அதன் சுற்றுவட்டாரத்திலுள்ள சுமார் அரை டூனுக்கும் மேற்பட்ட கிராம மக்கள், பாண்டு ஆற்றைக் கடக்கப் பல தசாப்தங்களாகத் தற்காலிகமாக அமைக்கப்பட்ட மர மற்றும் மூங்கில் பாலத்தையே நம்பி வாழ வேண்டிய கட்டாயத்தில் உள்ளனர்.

கடந்த 78 ஆண்டுகளுக்கும் மேலாக இந்தப் பகுதியில் முறையான நிரந்தரப் பாலம் அமைக்கப்பட வேண்டும் என்ற கோரிக்கை கிடப்பில் போடப்பட்டுள்ளது. அப்பகுதி கிராம மக்களே தங்களது சொந்த முயற்சியாகவும் அவசியத்தின் அடிப்படையிலும் அமைத்துக்கொண்ட இந்த அபாயகரமான தற்காலிகப் பாலத்தின் மூலமே பல்லாயிரக்கணக்கான மக்கள் தினசரி கடந்து செல்கின்றனர். குறிப்பாக, பருவமழை காலங்களில் ஆற்றில் வெள்ளப்பெருக்கு ஏற்படும் போது இந்த மரப்பாலம் இன்னும் மோசமான நிலையை அடைவதுடன், இதைக் கடந்து செல்லும் பொதுமக்களின் பாதுகாப்பும் கேள்விக் குறியாகிறது.

சாலை வசதியோ அல்லது முறையான பாலமோ இல்லாத காரணத்தினால், அவசர காலங்களில் நோயாளிகளை மருத்துவமனைக்கு அழைத்துச் செல்வதோ அல்லது பள்ளிக்குச் செல்லும் குழந்தைகளைப் பாதுகாப்பாக அனுப்பி வைப்பதோ பெரும் போராட்டமாக மாறியுள்ளது.

பல கிலோமீட்டர் தூரம் சுற்றிச் செல்வதைத் தவிர்ப்பதற்காக வேறு வழியின்றி தினந்தோறும் தங்களது உயிரை  பணயம் வைத்து இந்தக் குறுகிய பாலத்தைக் கடந்து வருகின்றனர். தேர்தல் காலங்களில் தங்களுக்குப் பாலம் அமைத்துத் தரப்படும் என்று அரசியல்வாதிகள் வாக்குறுதிகளை அள்ளி வீசுவது வழக்கமாக இருந்தாலும், வாக்குகள் முடிந்த பிறகு இந்த அவல நிலை கண்டு கொள்ளப்படுவதில்லை என மக்கள் குற்றம்சாட்டுகின்றனர். இந்த விவகாரம் தற்போது இணையத்தில் பரவி பெரும் விவாதத்தை ஏற்படுத்தியுள்ளது.