மகளிர் டி20 உலகக்கோப்பை 2026-ன் இறுதிப் போட்டியில் இங்கிலாந்து மற்றும் ஆஸ்திரேலியா அணிகள் பலப்பரீட்சை நடத்தி வருகின்றன. லார்ட்ஸ் மைதானத்தில் நடைபெற்ற இந்த முக்கியமான ஆட்டத்தில், இங்கிலாந்து கேப்டன் நாட் சைவர்-ப்ரண்ட் தனது மகன் தியோவை கையில் ஏந்திக்கொண்டு மைதானத்திற்குள் நுழைந்த காட்சி அனைவரையும் நெகிழ வைத்தது.
தேசகீதம் இசைக்கப்பட்டபோது தனது மகனுடன் அவர் நின்ற அந்த உணர்ச்சிகரமான தருணம், சமூக வலைதளங்களில் ரசிகர்களின் கவனத்தை ஈர்த்து வைரலாகி வருகிறது.
இந்தப் போட்டியில் டாஸ் வென்ற ஆஸ்திரேலிய அணி முதலில் பந்துவீச்சைத் தேர்வு செய்தது. இரு அணிகளும் தங்களது முந்தைய ஆட்டங்களில் விளையாடிய அதே வீரர்களுடனேயே இந்த இறுதிப் போட்டியை எதிர்கொள்கின்றன.
இங்கிலாந்தின் கேப்டன் நாட் சைவர்-ப்ரண்ட் மற்றும் முன்னாள் வீராங்கனை கேத்தரின் சைவர்-ப்ரண்ட் தம்பதியினருக்கு தியோ என்ற மகன் உள்ளார்.
View this post on Instagram
“>
பல்வேறு சர்வதேசப் போட்டிகளின் போதும் தியோ தனது பெற்றோருடன் மைதானத்திற்கு வருவதை வழக்கமாகக் கொண்டுள்ளதால், இங்கிலாந்து ரசிகர்களுக்கு அவன் மிகவும் பரிச்சயமான ஒரு குட்டிப் போட்டியாளராகத் திகழ்கிறான்.
