கோழி, ஆடு, பன்றி வளர்ப்பு போல் அல்லாமல், தவளை வளர்ப்பு என்பது சில ஆசிய நாடுகளில் மட்டுமே பிரபலம். சீனா, வியட்நாம், இந்தோனேசியா, தாய்லாந்து, கம்போடியா மற்றும் கொரியா போன்ற நாடுகளில் தவளை இறைச்சி ஒரு உணவாக உட்கொள்ளப்படுகிறது. இந்த பின்னணியில், தவளைகள் நிரம்பிய ஒரு பிரம்மாண்டமான சுரங்கப்பாதையைக் காட்டும் காணொளி ஒன்று தற்போது சமூக ஊடகங்களில் காட்டுத் தீ போல் பரவி வருகிறது.
இந்த அரிய காட்சியைப் பார்த்த நெட்டிசன்கள் பலவிதமான ஊகங்களையும் கேள்விகளையும் எழுப்பி வருகின்றனர். இன்ஸ்டாகிராமில் ‘wildheart_500’ என்ற ஐடியில் பகிரப்பட்ட இந்த காணொளியை இதுவரை 7 லட்சத்திற்கும் அதிகமானோர் பார்த்துள்ளனர், மேலும் 3 ஆயிரத்துக்கும் மேற்பட்டோர் ‘லைக்’ செய்து தங்கள் கருத்துக்களைப் பதிவு செய்துள்ளனர்.
View this post on Instagram
“>
வைரலாகும் இந்த காணொளியில், சுரங்கப்பாதை போன்ற அமைப்பின் தரை முழுவதும் ஆயிரக்கணக்கான தவளைகள் நிரம்பி இருக்கின்றன. ஒரு பாலிஹவுஸைப் போன்ற தோற்றம் கொண்ட இந்த அமைப்பு, தவளைகள் ஒரு குறிப்பிட்ட நோக்கத்திற்காக ‘வளர்க்கப்படுகின்றன’ என்ற சந்தேகத்தை எழுப்புகிறது.
தவளைகளுக்கான தீவனத்துடன் ஒரு பெண் சாக்குப்பையை சுமந்து சுரங்கப்பாதைக்குள் நுழையும் காட்சியும் இதில் பதிவாகியுள்ளது. இந்த காணொளி எங்கு எடுக்கப்பட்டது, இந்தத் தவளைகள் ஏன் இவ்வளவு பெரிய அளவில் வளர்க்கப்படுகின்றன என்ற விவரங்கள் எதுவும் வெளியிடப்படவில்லை.
“இது ஏதோ திகில் படத்தில் வருவது போல் உள்ளது” என்றும், “யாராவது ஏன் இவ்வளவு தவளைகளை வைத்திருக்க வேண்டும்?” என்றும் பயனர்கள் வியப்புடன் கருத்து தெரிவித்துள்ளனர்.
தவளை இறைச்சியை உணவாக உட்கொள்ளும் கலாசாரம் இருக்கும் நாடுகளில், இது ஒரு பிரம்மாண்டமான தவளைப் பண்ணையாக இருக்கலாம் என்று கருதப்படுகிறது.
