வயது அதிகரிக்கும்போது ஆண்களின் உடலில் ஏற்படும் பல்வேறு மாற்றங்களை இயல்பான ஒன்று என அலட்சியப்படுத்தாமல், 40 வயதில் இருந்தே சரியான முன்னெச்சரிக்கை நடவடிக்கைகளை மேற்கொண்டால் 70 வயதிலும் ஆரோக்கியமாக வாழ முடியும் என மருத்துவ நிபுணர்கள் தெரிவிக்கின்றனர். உலகளவில் ‘மோவெம்பர்’ போன்ற விழிப்புணர்வு இயக்கங்கள் மூலமாக ஆண்களின் மனநலம் மற்றும் புரோஸ்டேட் புற்றுநோய் குறித்த திறந்த உரையாடல்கள் அதிகரித்து வரும் சூழலில், நஃபீல்ட் ஹெல்த் நிறுவனத்தின் பொது மருத்துவர் டாக்டர் நடாலி பார்க்லே ஆண்கள் ஒவ்வொரு பருவத்திலும் கவனிக்க வேண்டிய முக்கிய ஆரோக்கிய வழிகாட்டுதல்களைப் பகிர்ந்துள்ளார்.

ஆண்களின் தசை வளர்ச்சிக்கும் பாலுணர்வுக்கும் மிக முக்கியமான டெஸ்டோஸ்டிரான் ஹார்மோன், 40 வயதைக் கடந்தவுடன் ஆண்டு 1 முதல் 2 சதவீதம் வரை குறையத் தொடங்குகிறது. இதன் காரணமாக உடலின் வளர்சிதை மாற்ற வேகம் குறைந்து, தேவையற்ற உடல் எடை அதிகரிக்கும் அபாயம் உருவாகிறது. இதனைத் தவிர்க்க அதிக கலோரி பானங்கள் மற்றும் பதப்படுத்தப்பட்ட உணவுகளைத் தவிர்த்து, வாரத்திற்கு குறைந்தது 150 நிமிடங்கள் மிதமான உடற்பயிற்சிகளைச் செய்ய வேண்டும். மேலும், இந்த வயதில் தொடங்கும் வலிமைப் பயிற்சிகளே 50 மற்றும் 60 வயதில் வலிமையான தசை அமைப்பிற்கும் நல்ல உடல் இயக்கத்திற்கும் உறுதியான அடித்தளமாக அமைகின்றன.

குடும்பத்தில் உயர் ரத்த அழுத்தம், நீரிழிவு அல்லது இதய நோய் வரலாறு உள்ளவர்கள் 40 வயதிலேயே உரிய மருத்துவப் பரிசோதனைகளைச் செய்துகொள்வது அவசியமாகும். 50 வயதை எட்டும்போது தசை இழப்பு விரைவடைவதுடன், கொலஸ்ட்ரால் மற்றும் ரத்த அழுத்தப் பிரச்சினைகளும் அதிகரிக்கக்கூடும். இதனால் உணவில் உப்பு மற்றும் நிறைவுற்ற கொழுப்புகளைக் குறைத்து, மதுப்பழக்கத்தைக் கட்டுப்படுத்த வேண்டும்.

மேலும், இரவில் சிறுநீர் கழித்தல் போன்ற புரோஸ்டேட் அடிக்கடி ஏற்படும் கோளாறுகளின் அறிகுறிகள் மாலை வேளைகளில் திரவ உணவுகளைக் குறைத்து, மருத்துவ ஆலோசனையின் பேரில் PSA ரத்தப் பரிசோதனை செய்து கொள்வது நல்லது.60 வயதைக் கடக்கும்போது மூட்டு வலி மற்றும் உடலின் சமநிலையைக் கட்டுப்படுத்தும் போது அமைப்பில் மாற்றத்தால் நிலைதடுமாறி கீழே விழும் அபாயம் அதிகரித்தது.

இதைக் கட்டுப்படுத்த நீச்சல், சைக்கிள் ஓட்டுதல் மற்றும் தை சி போன்ற எளிய சமநிலை உடற்பயிற்சிகளை மேற்கொள்ள மருத்துவர்கள் பரிந்துரைக்கின்றனர். 70 வயதை நெருங்கும்போது ஏற்படும் அல்சைமர் போன்ற நினைவாற்றல் இழப்பு நோய்களின் தாக்கத்தைக் குறைக்கிறது, சத்தான உணவுகளுடன் குறுக்கெழுத்துப் புதிர்கள் போன்ற மூளைக்கு வேலைகொடுக்கும் பயிற்சிகளிலும் சமூக நடவடிக்கைகளிலும் ஈடுபட வேண்டும். 40 வயதிலேயே தங்கள்உடல்நிலை மீது விழிப்புணர்வுடன் செயல்படும் ஆண்கள், முதுமையிலும் சுறுசுறுப்பான வாழ்க்கையைத் தொடர முடியும்.