2026-ஆம் ஆண்டு நடைபெறவுள்ள உலகக் கோப்பை கால்பந்து போட்டியில் பங்கேற்பதற்காக அமெரிக்கா சென்ற சோமாலிய நடுவர் ஒமர் அர்தான், அந்நாட்டு எல்லையில் தடுத்து நிறுத்தப்பட்டு திருப்பி அனுப்பப்பட்டார்.

பாதுகாப்பு காரணங்களைச் சுட்டிக்காட்டி அமெரிக்க சுங்க மற்றும் எல்லைப் பாதுகாப்பு அதிகாரிகள் அவருக்கு அனுமதி மறுத்த நிலையில், அவர் தனது சொந்த நாட்டிற்குத் திரும்பினார். இது அவரது உலகக் கோப்பை கனவை பாதியிலேயே சிதைத்தாலும், சர்வதேச அளவில் அவருக்கு ஆதரவு பெருகியது.

இந்தச் சம்பவம் நடந்த சில நாட்களிலேயே, ஆகஸ்ட் 12-ம் தேதி சால்ஸ்பர்க்கில் நடைபெறவுள்ள 2026 யுஇஎஃப்ஏ சூப்பர் கோப்பை இறுதிப்போட்டியில் நடுவராகச் செயல்பட ஒமர் அர்தான் நியமிக்கப்பட்டுள்ளார்.

பிஎஸ்ஜி  மற்றும் ஆஸ்டன் வில்லா அணிகள் மோதும் இந்தப் புகழ்பெற்ற போட்டிக்காக அவர் தேர்ந்தெடுக்கப்பட்டிருப்பதை யுஇஎஃப்ஏ தலைவர் அலெக்சாண்டர் செஃபெரின் வரவேற்றுள்ளார்.

ஆப்பிரிக்காவின் சிறந்த நடுவர் என்று பெயரெடுத்த ஒமர் அர்தானின் திறமைக்கு இது ஒரு சிறந்த அங்கீகாரம் என்று கால்பந்து வட்டாரங்கள் தெரிவிக்கின்றன.