மும்பை பாந்த்ராவில் நடந்த ஒரு வருத்தமான சம்பவம் இது. 76 வயது மூதாட்டி ஒருவருக்குப் பக்கவாதம் வந்து, மருத்துவமனையில் சேர்க்கப்பட்டார். ஆனால், அவரது மகன், சிகிச்சைச் செலவு அதிகமாகிவிட்டதைக் கண்டு, தன் தாயை அப்படியே விட்டுவிட்டு மருத்துவமனைக்கே வராமல் போய்விட்டார். அதோடு தாயைக் கவனித்து வந்த மருத்துவர்களிடம் அவர் தகாத வார்த்தைகளால் பேசி, மிரட்டவும் செய்திருக்கிறார்.

​மருத்துவமனை நிர்வாகம், வேறு வழியில்லாமல், இந்த விஷயத்தைப் பம்பாய் உயர் நீதிமன்றத்திற்குக் கொண்டு சென்றது. கோர்ட்டும் மகனிடம், “உன் அம்மாவை வேறு அரசு மருத்துவமனையில் சேர்த்து, சரியாகக் கவனி” என்று உத்தரவிட்டது. ஆனால், அந்த மகனோ, கோர்ட்டின் பேச்சைக் கேட்காமல் அந்த உத்தரவையும் மீறிவிட்டார். தாயைக் கவனிக்காமல் அவர் நடந்துகொண்டது, சட்டத்தின் கண்களில் பெரிய குற்றமானது.

​இதனால், நீதிமன்றத்தின் உத்தரவுப்படி, பாந்த்ரா போலீஸார் அந்த மகன் மீது வழக்குப் பதிவு செய்துள்ளனர். வயதான தாயை அலட்சியப்படுத்தியது, நீதிமன்ற உத்தரவைப் மதிக்காதது மற்றும் மருத்துவ ஊழியர்களை மிரட்டியது ஆகிய குற்றச்சாட்டுகள் அவர் மீது சுமத்தப்பட்டுள்ளன.