வளைகுடா பிராந்தியத்தில் சவூதி அரேபியா, கத்தார் போன்ற நாடுகள் ஈரான் விவகாரத்தில் மௌனம் காத்து வரும் நிலையில், பஹ்ரைன் மட்டும் ஈரானுக்கு எதிராகக் கடுமையாகக் குரல் கொடுத்து வருகிறது. ஹோர்முஸ் ஜலசந்தியைப் பாதுகாக்க சர்வதேச இராணுவப் பிரிவை அமைக்கக் கோரி பஹ்ரைன் இரண்டாவது முறையாக ஐக்கிய நாடுகள் சபையை அணுகியுள்ளது.

ஈரானின் தாக்குதலால் பஹ்ரைனின் எண்ணெய் சுத்திகரிப்பு நிலையம் சேதமடைந்ததோடு, ஒரு குடிமகன் உயிரிழந்ததும் அந்நாட்டின் கோபத்திற்குக் முக்கிய காரணமாகும். மேலும், பஹ்ரைனின் பொருளாதாரம் ஹோர்முஸ் ஜலசந்தி வழியாக நடைபெறும் எண்ணெய் வர்த்தகத்தையே நம்பியிருப்பதால், அந்த வழித்தடம் மூடப்படுவதை அவர்கள் கடுமையாக எதிர்க்கின்றனர்.

பஹ்ரைனுக்கும் ஈரானுக்கும் இடையிலான இந்த மோதலுக்குப் பின்னால் நீண்டகால வரலாற்று மற்றும் அரசியல் காரணங்கள் உள்ளன. 1927 முதலே பஹ்ரைனைத் தனது நாட்டின் ஒரு பகுதி என ஈரான் உரிமை கோரி வருவதுடன், அங்குள்ள ஷியா-சுன்னி பிரிவினரிடையேயான வேறுபாடுகளும் பிரச்சனையைத் தூண்டுகின்றன.

அமெரிக்காவின் நெருங்கிய கூட்டாளியான பஹ்ரைனில் பல அமெரிக்க இராணுவத் தளங்கள் இருப்பதும் ஈரானுக்கு எரிச்சலை ஏற்படுத்தியுள்ளது. அண்டை நாடுகள் அமைதி காக்கும் வேளையில், தனது இறையாண்மைக்கும் பொருளாதாரத்திற்கும் ஆபத்து ஏற்படுவதால் பஹ்ரைன் மட்டும் ஈரானுக்கு எதிராகத் துணிச்சலாகப் போர்க்கொடி தூக்கியுள்ளது.