கேரளா மாநிலம் பரவூரில் திருமணமான பெண் ஒருவர் தற்கொலை செய்துகொண்ட சம்பவம், தற்போது வெளியாகி இருக்கும் செல்போன் ஆதாரங்களால் பெரும் பரபரப்பை ஏற்படுத்தியுள்ளது.
பரவூர் பகுதியைச் சேர்ந்த ஒரு பெண்ணுக்கும், அவரது கணவருக்கும் இடையே எந்தப் பிரச்சினையும் இல்லாமல் மகிழ்ச்சியான குடும்ப வாழ்க்கை நடந்து வந்துள்ளது.
இந்நிலையில், அந்தப் பெண் திடீரென தற்கொலை செய்துகொண்டார். இந்த மரணத்தில் சந்தேகம் அடைந்த போலீசார் பெண்ணின் செல்போனை ஆய்வு செய்தபோது, அதிர்ச்சிகரமான தகவல்கள் கிடைத்தன.
திருவனந்தபுரத்தைச் சேர்ந்த ஒரு இளைஞருடன் அந்தப் பெண் ரகசியமாகப் பேசி வந்ததும், அந்த நபர் கொடுத்த மன உளைச்சலே தற்கொலைக்குக் காரணம் என்பதும் தெரியவந்தது.
இதனைத் தொடர்ந்து, தற்கொலைக்குத் தூண்டியதாக திருவனந்தபுரத்தைச் சேர்ந்த அந்த இளைஞரை போலீசார் அதிரடியாகக் கைது செய்துள்ளனர். மகிழ்ச்சியாக இருந்த குடும்பத்தில் செல்போன் பழக்கத்தால் நேர்ந்த இந்த விபரீதம் அந்தப் பகுதியில் சோகத்தை ஏற்படுத்தியுள்ளது.
