மும்பை அருகே 17 ஆண்டுகளாக ஐடி டெவலப்பர் ஒருவரிடம் பணிபுரிந்த ஓட்டுநர் சந்தோஷ் சவான் என்பவர், தனது முதலாளியிடமிருந்து கணிசமான தொகையைத் திருடிவிட்டு தப்பிச் சென்ற சம்பவம் குறித்து இந்த செய்தி தொகுப்பில் காணலாம்.
- திருட்டு மற்றும் தப்பித்தல்:
அக்டோபர் 11ஆம் தேதி ஐடி டெவலப்பர் தனது காரின் பூட்டில் ரூ.25 லட்சத்தை வைத்துவிட்டு, பணம் குறித்து சவானுக்குத் தெரிவித்து பத்திரமாக பார்த்து கொள்ளுமாறு கூறி ஒரு அரசாங்க அலுவலகத்திற்குச் சென்றுள்ளார்.பின் ½ மணி நேரம் கழித்து திரும்பி வந்தபோது, சவான் பணம் மற்றும் கார் இரண்டையும் திருடி கொண்டு மாயமாகிவிட்டார். தப்பி சென்றவர் ட்ராக் செய்வதைத் தவிர்க்க தனது மொபைல் போனையும் சுவிட்ச் ஆஃப் செய்திருந்தார்.
- **கூடுதல் திருட்டு**:
– இதையடுத்து புகாருக்கு முன் வேறு பொருள்கள் மாயமாகியுள்ளதா என கண்டறிய ஆய்வு மேற்கொண்ட போது அலுவலகத்திலிருந்து கூடுதலாக ரூ.75 லட்சத்தை திருடியது பின்னர் தெரியவந்தது, இதன் மொத்தத் தொகை தற்போது ரூ.1 கோடியாக மாறியது.
- **எஸ்கேப் ரூட்**:
– சவான் திருடப்பட்ட காரைக் ஹைவே ஒன்றில் கைவிட்டு, ஒரு ஆட்டோவை அழைத்து கோரேகானில் உள்ள ஹப் மாலுக்கு அழைத்துச் சென்றுள்ளார், நன்கு தெரிந்த பாதையை தேர்வு செய்ததன் மூலம் அவரால் கண்காணிப்பு கேமராக்களில் தப்பிக்க முடிந்தது. இதனால் அவரது நடமாட்டத்தைக் கண்டுபிடிப்பதில் காவல்துறைக்கும் சிரமம் ஏற்பட்டது.
- **விசாரணை மற்றும் நாட்டம்**:
– போலீசார் விசாரணையைத் தொடங்கி, கான்சோலியில் உள்ள சவானின் வீட்டிற்குச் சென்றனர், ஆனால் அவர் அங்கு இல்லை, அவரது தொலைபேசி அணைக்கப்பட்டிருந்தது. அவர் தனது போனை தூக்கி எறிந்துவிட்டு, புதிய போன் மற்றும் யாதவ் என்ற பெயரில் பதிவு செய்யப்பட்ட சிம் கார்டை நெருங்கிய பெண் நண்பரின் மைத்துனர் பிரதீப் யாதவின் உதவியை நாடி பெற்றுக்கொண்டுள்ளார்.
– சவான் யாதவின் ஃபோனைப் பயன்படுத்தி, பிற உறவினர்களின் தொடர்பைப் நாடவும், ஒரு காரை வாடகைக்கு எடுக்கவும் பயன்படுத்தியுள்ளார்.
– பின் சவான் ஆலந்தியில் உள்ள உறவினரிடம் ரூ.50 லட்சத்தை கொடுத்து விட்டு அகோலாவுக்கு தப்பி சென்றார்.
- **கைது**:
சவான்-ஐ பிடிப்பதற்கான தொடர் முயற்சியில் ஈடுபட்ட காவல் துறையினர் தங்களது கடினமான யுக்திகளாலும், சவான் அவர்களுக்கு மிக நெருங்கிய தொடர்புடைய நபர்களின் ஒத்துழைப்பின் வாயிலாகவும் கிடைக்கப்பெற்ற தகவல்களின் அடிப்படையில், அகோலாவுக்கு சென்று அவரை மடக்கி பிடித்து கைது செய்து, கையில் இருந்த ரூ 36 லட்சம் ரூபாய் மட்டும் பறிமுதல் செய்யப்பட்டு மீதமுள்ள பணம் எங்கே உள்ளது என்பது குறித்து வழக்கு பதிவு செய்து அதிகாரிகள் தீவிரமாக விசாரித்து வருகின்றனர்.
