ஆஸ்திரேலியாவுக்கு எதிரான முதல் டி20 போட்டியில் டாஸ் வென்ற இந்திய அணி முதலில் பந்துவீச்சை தேர்வு செய்துள்ளது.

2023 உலகக் கோப்பை முடிந்து 3 நாட்களுக்குப் பிறகு நவம்பர் 23 (இன்று) முதல் 5 போட்டிகள் கொண்ட டி20 தொடரில் இந்தியா – ஆஸ்திரேலியா விளையாடுகிறது. உலகக் கோப்பையில் விளையாடிய ரோஹித் சர்மா, விராட் கோலி உட்பட பல வீரர்கள் இந்தத் தொடருக்காக அறிவிக்கப்பட்ட அணியில் இடம்பெறவில்லை. இந்த டி20 தொடருக்கான இந்திய அணியின் தலைமை பொறுப்பு சூர்யகுமார் யாதவிடம் ஒப்படைக்கப்பட்டுள்ளது. முதல் 3 போட்டிகளுக்கு ருதுராஜ் கெய்க்வாட் துணை கேப்டனாக நியமிக்கப்பட்டுள்ளார். கடைசி 2 போட்டிகளிலும் ஸ்ரேயாஸ் ஐயர் துணை கேப்டனாக இருப்பார்.

இந்நிலையில் ஆஸ்திரேலியாவுக்கு எதிரான டி20 தொடரின் முதல் போட்டி விசாகப்பட்டினத்தில் உள்ள டாக்டர் ஒய்.எஸ்.ராஜசேகர ரெட்டி ஏசிஏ-விடிசிஏ கிரிக்கெட் ஸ்டேடியத்தில் 7 மணிக்கு தொடங்கியுள்ளது. இதில் டாஸ் வென்ற இந்திய அணியின் கேப்டன் சூர்யகுமார் யாதவ் பந்துவீச்சை தேர்வு செய்துள்ளார்..

இந்த போட்டியை லைவ் ஸ்ட்ரீமிங்கை ஜியோ சினிமா ஆப்ஸ் மற்றும் லைவ் ஸ்போர்ட்ஸ் 18 மற்றும் கலர்ஸ் சினிப்ளெக்ஸ் சேனல்களில் பார்க்கலாம்.

இந்திய அணி :

ருதுராஜ் கெய்க்வாட், ஜெய்ஸ்வால், இஷான் கிஷன் (வி.கீ), சூர்யகுமார் யாதவ், திலக் வர்மா, ரிங்கு சிங், அக்சர் படேல், ரவி பிஷ்னோய், அர்ஷ்தீப் சிங், முகேஷ் குமார் மற்றும் பிரசித் கிருஷ்ணா.

ஆஸ்திரேலியா :

மேத்யூ வேட் (கேப்டன்), மேத்யூ ஷார்ட், ஸ்டீவ் ஸ்மித், ஜோஸ் இங்கிலிஸ், ஆரோன் ஹார்டி, மார்கஸ் ஸ்டோய்னிஸ், டிம் டேவிட், நாதன் எல்லிஸ், சீன் அபோட், ஜேசன் பெஹ்ரன்டோர்ஃப், தன்வீர் சங்கா.