தமிழர் திருநாளாம் தைப்பொங்கலுக்கு ரேஷன் அட்டைதாரர்களுக்கு வழங்கப்படும் பரிசுத் தொகுப்பு குறித்த அறிவிப்பு எப்போது வெளியாகும் என மக்கள் ஆவலோடு காத்திருக்கின்றனர்.

இந்நிலையில், “பொங்கல் பரிசுத் தொகுப்புடன் ஒவ்வொரு குடும்ப அட்டைக்கும் 5,000 ரூபாய் ரொக்கம் வழங்க வேண்டும்” என எதிர்க்கட்சித் தலைவர் எடப்பாடி பழனிசாமி தொடர்ந்து வலியுறுத்தி வருகிறார்.

இதன் ஒரு பகுதியாக, சென்னை ராயப்பேட்டை உள்ளிட்ட பகுதிகளில் அதிமுகவினர் ‘5,000 ரூபாய் வழங்க கோரி’ போஸ்டர்களை ஒட்டி அதகளம் செய்து வருகின்றனர்.

2026-ல் சட்டமன்றத் தேர்தல் வரவுள்ளதால், இந்த முறை பெரிய தொகையை வழங்க அமைச்சர்கள் சிலர் விருப்பம் தெரிவித்தாலும், மகளிர் உரிமைத் தொகை உள்ளிட்ட திட்டங்களால் அரசுக்கு நிதி நெருக்கடி இருப்பதாகக் கூறப்படுகிறது.

இதனால், இந்த ஆண்டு பொங்கல் பரிசாக 3,000 ரூபாய் ரொக்கம் வழங்கப்படலாம் எனத் தலைமைச் செயலக வட்டாரங்கள் தெரிவிக்கின்றன.

• பச்சரிசி & சர்க்கரை: 2.22 கோடி அட்டைதாரர்களுக்குத் தலா 22,291 மெட்ரிக் டன் ஒதுக்கீடு செய்யப்பட்டுள்ளது.

• இலவச வேட்டி & சேலை: நெசவாளர்களிடமிருந்து கொள்முதல் செய்யப்பட்டு, சுமார் 85% ரேஷன் கடைகளுக்கு அனுப்பி வைக்கப்பட்டுள்ளது.

• விநியோகம் எப்போது?: முதல்வர் மு.க.ஸ்டாலின் அவர்கள் விரைவில் இது குறித்த அறிவிப்பை வெளியிடுவார் என்றும், ஜனவரி 10-ஆம் தேதிக்குள் விநியோகம் தொடங்கும் என்றும் எதிர்பார்க்கப்படுகிறது.