சென்னை நீலாங்கரையில் உள்ள தமிழக வெற்றிக் கழகம்  கட்சி தலைவர் விஜயின் இல்லத்திற்கு வெடிகுண்டு மிரட்டல் குறித்த தகவல் கிடைத்ததை அடுத்து, அதிரடியாக போலீசார் தீவிர விசாரணையில் இறங்கியுள்ளனர்.

மோப்ப நாய்கள், வெடி குண்டு செயலிழப்பு நிபுணர்கள் கொண்ட சிறப்பு போலீசுப் படையினர் விஜய் இல்லத்தையும் அதன் சுற்றுவட்டாரத்தையும் நுணுக்கமாக சோதனை செய்துள்ளனர்.

முன்னதாக, கரூரில் நேற்று விஜய் தலைமையில் நடைபெற்ற தவெக பிரசாரக் கூட்டத்தில் ஏற்பட்ட கூட்ட நெரிசலில் குழந்தைகள், பெண்கள் உள்ளிட்ட 40 பேர் உயிரிழந்த பரிதாப சம்பவம் நடைபெற்றது. இதன்  பின்னணியில், அவரது இல்லத்திற்கு தொடர்ந்து பாதுகாப்பு அதிகரிக்கப்பட்டு வருகின்றது.

முக்கியமாக, அரசியல் சூழ்நிலைகள்  மாறிவரும் நிலையில், விஜயின் அடுத்த கட்ட நடவடிக்கைகள் குறித்து ரசிகர்களும், பொதுமக்களும் கவனமுடன் இருக்கின்றனர்.