மகாராஷ்டிரா சட்டசபை 288 தொகுதிகளுக்கான தேர்தல் கடந்த 20 ஆம் தேதி ஒரே கட்டமாக நடைபெற்றது. இதில் ஆளும் மகாயுதி கூட்டணியில் பாஜக 145 இடங்களிலும், சிவசேனா 81 தொகுதிகளிலும், தேசியவாத காங்கிரஸ் 59 தொகுதிகளிலும் போட்டியிட்டது. மற்றொருபுறம் மகா விகாஸ் ஆகாதி கூட்டணியில் காங்கிரஸ் கட்சி 102 தொகுதிகளிலும், சிவசேனா 92 தொகுதிகளிலும், தேசியவாத காங்கிரஸ் கட்சி 86 தொகுதிகளிலும் போட்டியிட்டது. இந்த நிலையில் இன்று வாக்கு எண்ணிக்கை விறுவிறுப்பாக நடைபெற்றுக் கொண்டிருக்கிறது. தற்போது வந்த நிலவரப்படி பாஜக கூட்டணி 222 தொகுதிகளில் முன்னிலையில் உள்ளது. காங்கிரஸ் கூட்டணி 54 தொகுதிகளிலும் மற்றவை 12 இடங்களிலும் முன்னிலை பெற்றுள்ளது.