சென்னையில் நேற்று ஆபரண தங்கத்தின் விலை சவரனுக்கு 160 ரூபாய் வரையில் உயர்ந்த நிலையில் இன்று ஒரே நாளில் ஆயிரம் ரூபாய் வரை உயர்ந்துள்ளது. இதனால் இன்று 22 கேரட் ஆபரண தங்கத்தின் விலை ஒரு சவரன் 72200 ரூபாய்க்கும், ஒரு கிராம் 9025 ரூபாய்க்கும் விற்பனை செய்யப்படுகிறது.
இதேபோன்று 24 கேரட் தூய தங்கத்தின் விலையும் உயர்ந்து ஒரு கிராம் 9845 ரூபாயாகவும், ஒரு சவரன் 78760 ரூபாயாகவும் விற்பனை செய்யப்படுகிறது. மேலும் வெள்ளி விலை இன்று ஒரே நாளில் கிராமுக்கு 3 ரூபாய் வரையில் அதிகரித்து ஒரு கிராம் 111 ரூபாய்க்கும், ஒரு கிலோ வெள்ளி 3000 ரூபாய் வரையில் அதிகரித்து 1,11,000 ரூபாய்க்கும் விற்பனை செய்யப்படுகிறது.
