மேலும், நாளை இரண்டாவது அரையிறுதியில் பாகிஸ்தான் கிரிக்கெட் அணி, ஆப்கானிஸ்தான் கிரிக்கெட் அணியை (காலை 11:30 மணி) எதிர்கொள்கிறது. இரண்டு போட்டிகளும் பிங்ஃபெங் கேம்பஸ் கிரிக்கெட் மைதானத்தில் நடைபெறும். பாகிஸ்தான் அணி 68 ரன்கள் வித்தியாசத்தில் ஹாங்காங்கை வீழ்த்தி அரையிறுதிக்குள் நுழைந்துள்ளது. அதேசமயம் இலங்கையை 8 ரன்கள் வித்தியாசத்தில் வீழ்த்தி ஆப்கானிஸ்தான் அரையிறுதிக்குள் வந்தது.

இந்தியா மற்றும் பங்களாதேஷ் அரையிறுதி போட்டி இந்தியாவில் உள்ள சோனி ஸ்போர்ட்ஸ் நெட்வொர்க்கில் தொலைக்காட்சியில் பார்க்கலாம். மேலும் சோனி லைவ் செயலி மற்றும் இணையதளத்தில் நேரடியாக பார்க்கலாம்.

கடைசி காலிறுதியில் முதலில் பேட் செய்த வங்கதேசம் 5 விக்கெட் இழப்புக்கு 116 ரன்கள் எடுத்தது. சயீப் ஹசன் (50) அரைசதம் அடித்தார். அபிஃப் ஹுசைன் 23 ரன்களும், ஷஹாதத் ஹுசைன் 21 ரன்களும் எடுத்தனர். மலேசியா அணியில் அதிகபட்சமாக பவன்தீப் சிங் 2 விக்கெட்டுகளை வீழ்த்தினார்.

பின்னர் ஆடிய மலேசிய அணியால் 20 ஓவர்களில் 8 விக்கெட்டுகளை இழந்து 114 ரன்களை மட்டுமே எடுக்க முடிந்தது. விரந்தீப் சிங்கின் (52) அரைசதம் தவிர அனைத்து பேட்ஸ்மேன்களும் சொதப்பினர். பங்களாதேஷ் தரப்பில் ரிபோன் மொண்டோல் மற்றும் அபிஃப் ஆகியோர் தலா 3 விக்கெட்டுகளையும், ரகிபுல் ஹசன்-ரிஷாத் ஹுசைன் ஆகியோர் தலா ஒரு விக்கெட்டையும் கைப்பற்றினர்.

நேபாளத்தை இந்தியா தோற்கடித்தது :

முதல் காலிறுதியில் இந்தியா 23 ரன்கள் வித்தியாசத்தில் நேபாளத்தை வீழ்த்தியது. யஷஸ்வி ஜெய்ஸ்வாலின் சதத்தால் இந்தியா 202 ரன்கள் குவித்தது. ரிங்கு சிங் 15 பந்துகளில் 37 ரன்களுடனும், சிவம் துபே 25 ரன்களுடனும் ஆட்டமிழக்காமல் இருந்தனர். நேபாளம் தரப்பில் தீபேந்திர சிங் 2 விக்கெட்டும், சந்தீப் லமிச்சனே-சோம்பல் கமி தலா ஒரு விக்கெட்டும் வீழ்த்தினர். பின்னர் ஆடிய  நேபாள அணி 20 ஓவர்களில் 9 விக்கெட்டுகளை இழந்து 179 ரன்களை மட்டுமே எடுத்தது. நேபாள அணியில் தீபேந்திர சிங் 32 ரன்களும், குஷால் மல்லா மற்றும் சந்தீப் ஜோரா ஆகியோர் தலா 29 ரன்களும் எடுத்தனர். அக்டோபர் 7ஆம் தேதி தங்கப் பதக்கத்திற்கான இறுதிப் போட்டி நடைபெறுகிறது.