நடிகர் ஷாருக்கானின் 58வது பிறந்தநாளுக்கு வாழ்த்து தெரிவிக்க வந்த ரசிகர்களிடையே கை வரிசை காட்டிய 3 பேர் கைது செய்யப்பட்டுள்ளனர்.
- **திருட்டு சம்பவம்**: ஷாருக்கானின் 58 வது பிறந்தநாளையொட்டி, அவரை பார்க்கவும், அவருக்கு வாழ்த்து தெரிவிக்கவும் ஏராளமான ரசிகர்கள் அவரது இல்லத்திற்கு வெளியே குவிந்தனர். இந்நிலையில் கூட்டத்திற்கு மத்தியில், சில ரசிகர்கள் தங்கள் மொபைல் போன்கள் திருடப்பட்டதாக தெரிவித்தனர்.
- **சந்தேக நபர்களின் கைது**: புகாரளிக்கப்பட்ட திருட்டுகள் குறித்து பாந்த்ரா போலீசார் விசாரணையைத் தொடங்கினர். அப்பகுதி மற்றும் அருகிலுள்ள இடங்களில் இருந்து சிசிடிவி காட்சிகளை ஆய்வு செய்த பின்னர், திருட்டுக்கு காரணமானதாக நம்பப்படும் மூன்று சந்தேக நபர்களை அவர்கள் அடையாளம் கண்டு அவர்களை அதிகாரிகள் கைது செய்தனர்.
- **சந்தேக நபர்களின் அடையாளங்கள்**: கைது செய்யப்பட்ட நபர்கள் ஜம்னபிரசாத் கத்வால், முகமது அலி சையத் மற்றும் இம்ரான் புசாவால் என அடையாளம் காணப்பட்டனர். ஷாருக்கான் வீட்டின் வெளியே கூடியிருந்த ரசிகர்களிடம் கைத்தொலைபேசிகளை திருடுவதில் இவர்கள் ஈடுபட்டதாகக் குற்றம் சுமத்தப்பட்டுள்ளது.
- **திருடப்பட்ட கையடக்கத் தொலைபேசிகள் மீட்பு**: இதையடுத்து மேற்கொண்ண்ட விசாரணையை தொடர்ந்து கைது செய்யப்பட்ட நபர்களிடமிருந்து மொத்தம் ஒன்பது கைத்தொலைபேசிகள் மீட்கப்பட்டன. இந்த ஃபோன்கள் கூட்டத்தின் போது காணமல் போன ஷாருக்கான் ரசிகர்களுக்கு சொந்தமானதாக இருக்கலாம்.
- **எஃப்.ஐ.ஆர் மற்றும் புகார்கள்**: சம்பவத்தன்று, ஷாருக்கான் வீட்டிற்கு வெளியே கூட்டத்திற்கு மத்தியில் தங்கள் மொபைல் போன்கள் திருடப்பட்டதாகக் கூறி 17 ரசிகர்களிடமிருந்து பாந்த்ரா காவல்துறை புகார்களைப் பெற்றது. இந்த புகார்களுக்கு பதிலளிக்கும் விதமாக, புகாரளிக்கப்பட்ட திருட்டுகளை ஆவணப்படுத்த போலீசார் இரண்டு முதல் தகவல் அறிக்கைகளை (எஃப்ஐஆர்) பதிவு செய்தனர். தற்போது கைது செய்தவர்களை காவல்துறையினர் சிறையில் அடைத்தனர்.
