டெல்லியில் பிசினஸ் செய்து வந்த ஒரு நபர், திடீரென கொள்ளையனாக மாறிய பின்னணி இதோ, அந்தத் தொழிலதிபர் தனது தொழிலில் ஏற்பட்ட பெரும் நஷ்டம் காரணமாகப் பல கோடி ரூபாய் கடன் வாங்கியிருந்தார்.

கடனைத் திருப்பிக் கொடுக்கச் சொல்லி கடன் கொடுத்தவர்கள் நெருக்கடி கொடுத்ததால், குறுக்கு வழியில் பணம் சம்பாதிக்கத் திட்டமிட்டார்.

முகமூடி அணிந்து, சிசிடிவி கேமராக்களில் சிக்காதபடி மிகவும் கச்சிதமாகத் திட்டமிட்டு ஒரு வீட்டில் கொள்ளையடித்தார். போலீசாருக்கு எந்தத் துப்பும் கிடைக்காத வகையில் அவர் மிகக் கவனமாகச் செயல்பட்டார்.

சிசிடிவி காட்சிகளை ஆய்வு செய்த போலீசாருக்கு ஒரு முக்கியத் துப்பு கிடைத்தது. கொள்ளையன் போட்டிருந்த ஷூ மிகவும் விலை உயர்ந்த மற்றும் அரிதான மாடல் (Brand). அந்த ஒரு சின்ன விஷயத்தை வைத்துத் தேடுதல் வேட்டையைத் தொடங்கிய போலீசார், கடைசியில் அந்தத் தொழிலதிபரை கையும் களவுமாகப் பிடித்தனர்.