சூரிய குடும்பத்தில் சூரியனை சுற்றும் ஒவ்வொரு கோள்களுமே அதற்கு உரித்தான கோணங்களில் சாய்ந்து, நீள் வட்டப்பாதையில் சுற்றி வரும் போது கோள்கள் ஒரே நேர்க்கோட்டில் வருவது வழக்கமான நிகழ்வு தான். அந்த வகையில் கடந்த 21, 22 ஆம் தேதிகளில் வானில் வெள்ளி, வியாழன் மற்றும் நிலவு ஒரே நேர்கோட்டில் சந்தித்த அரிய நிகழ்வானது நடந்தது. அந்தவகையில் இன்று வெள்ளியும்,  வியாழனும் மிக அருகில் வருவதை காண முடியும் என விஞ்ஞானிகள் தெரிவித்துள்ளனர்.

ஆம்! வெப்பமான கோளான வெள்ளியும், ராட்சத கோளான வியாழனும் மிக அருகில் வருகின்றன. இரண்டு கோள்களும் வானத்தில் வெறும் 0.5 டிகிரி அளவு இடைவெளி இருக்கும் என விஞ்ஞானிகள் தரப்பில் தெரிவிக்கப்பட்டுள்ளது. இரு கோள்களும் சூரியனை சுற்றும்போது ஒரே நேர்கோட்டில் வருவதால் அருகருகே இருப்பதுபோல் தெரியும். இந்த நிகழ்வை உலகம் முழுவதும் மக்கள் வெறும் கண்களால் பார்க்கலாம்.