கல்பாக்கம் அருகே இயற்கை உபாதை கழிக்கச் சென்ற ஏழாம் வகுப்பு பள்ளி மாணவி பாலியல் வன்கொடுமைக்கு உள்ளாக்கப்பட்ட அதிர்ச்சிச் சம்பவம் அப்பகுதியில் பெரும் பரபரப்பை ஏற்படுத்தியுள்ளது.  இக்கொடூரச் சம்பவம் தொடர்பாக வழக்குப் பதிவு செய்த காவல்துறையினர், குற்றச் செயலில் ஈடுபட்ட இரண்டு நபர்களை அதிரடியாகக் கைது செய்துள்ளனர்.

கைது செய்யப்பட்டவர்கள் தனியார் பொறியியல் கல்லூரியில் பயின்று வரும் மாணவரான மகேஸ்வரன் (20) மற்றும் அவரது நண்பரான அஜய் (27) என அடையாளம் காணப்பட்டுள்ளனர். பள்ளி மாணவிகளுக்கு எதிரான இத்தகைய வன்கொடுமைச் சம்பவங்கள் சமூகத்தில் பெரும் கவலையை ஏற்படுத்தியுள்ள நிலையில், கைது செய்யப்பட்டுள்ள இருவர் மீதும் கடுமையான சட்டப் பிரிவுகளின் கீழ் நடவடிக்கை எடுக்கப்பட வேண்டும் என்று பொதுமக்களும் சமூக ஆர்வலர்களும் வலியுறுத்தியுள்ளனர்.