தமிழகத்தில் திமுக தலைமையிலான கூட்டணியில் உள்ள கட்சிகளுக்கு இடையே சமீபகாலமாகப் பல்வேறு விவகாரங்களில் கருத்து வேறுபாடுகள் முற்றி வரும் நிலையில், தற்போது முரசொலி நாளிதழின் விமர்சனம் தொடர்பாகத் தமிழ்நாடு காங்கிரஸ் கமிட்டி தலைவர் மாணிக்கம் தாகூர் விடுத்துள்ள அறிக்கை அரசியல் வட்டாரத்தில் பெரும் பரபரப்பை ஏற்படுத்தியுள்ளது.

சிபிஎம் (CPM) மாநிலச் செயலாளர் சண்முகம் குறித்து முரசொலி நாளிதழில் வெளியான கடுமையான விமர்சனங்கள் குறித்து செய்தியாளர்கள் கேள்வி எழுப்பியபோது, மாணிக்கம் தாகூர் எவ்வித ஒளிவுமறைவுமின்றி அதிரடியாகப் பதிலளித்துள்ளார்.

​செய்தியாளர்களிடம் பேசிய அவர், “இடதுசாரி சகோதரர்களுக்காக நான் வக்காலத்து வாங்க வேண்டிய அவசியம் இல்லை. அவர்களைப் பொறுத்தமட்டில் தோழர் சண்முகம் இருக்கிறார், அவர் இந்த விவகாரத்தில் நேரடியாக இறங்கி அடிப்பார்” என்று அதிரடியாகத் தெரிவித்துள்ளார். மேலும், முரசொலியின் விமர்சனத்திற்கு இன்று மாலைக்குள்ளாகவே சிபிஎம் தரப்பிலிருந்து தகுந்த பதிலடி வந்துவிடும் என்றும் அவர் சுட்டிக்காட்டியுள்ளார்.

கூட்டணியில் உள்ள மார்க்சிஸ்ட் கம்யூனிஸ்ட் கட்சிக்கு ஆதரவாகவும், திமுகவின் அதிகாரப்பூர்வ நாளிதழான முரசொலிக்கு எதிராகவும் காங்கிரஸ் தலைவர் மாணிக்கம் தாகூர் பேசியுள்ள இந்த ஓபன் டாக், தற்சமயம் சமூக வலைத்தளங்களில் காட்டுத்தீயாய் பரவி அரசியல் சூட்டை மேலும் கிளப்பியுள்ளது.